یاریگا–
دوای ئەوەی هەر یەکە لە ڤێرجیل ڤان دایک، فابینهۆ و جۆنز یاریزانەکانی یانەی لیڤەرپوول ماوەی کەرەنتینە و ڤایرۆسی کۆرۆنایان تێپەڕاند، ئەو سێ یاریزانە گەڕانەوە و بەشداری راهێنانەکانی یانەکەیان کردەوە.
ماڵپەری فەرمی یانەی لیڤەرپوولی ئینگلیزی بڵاویکردەوە، دوێنێ ئەو سێ یاریزانەی ماوەی کەرەنتینەیان تەواو کرد، جارێکی دیکە گەڕانەوە و بەشداری راهێنانەکانی یانەکەیان کردەوە و، بریارە بۆ یاری داهاتووی یانەکەیان بەشداری بکەن، تەنها تیاگۆ ئالکانتارا ماوە کە ئەو یاریزانەش تا ئەو کاتەی کەرەنتینەی تەواو دەبێت، مافی بەشداری کردنی لە راهێنانەکان نیە.
لیڤەرپوول بریار بوو سبەی لە گەڕی نۆزدەی پرێمەرلیگ رووبەڕووی لیدز یونایتد ببێتەوە، بەڵام بەهۆی توشبوونی ژمارەیەکی زۆر لە یاریزانەکانی یانەی بەرامبەر، یارییەکە دواخرا.
