یاریگا-
ڕاپۆرتە ڕۆژنامەوانیەكانی ئیسپانیا ئاشكرایانكرد یانەی بارسێلۆنای ئیسپانی ئامادەیە دەستبەرداری هێرشبەری یانەكەیان میمفیس دیپای هۆڵەندی ببێت.
بەپێی زانیاریەكانی ڕۆژنامەی ”ئیل ناسیۆنال” بارسێلۆنا ئامادەیە لە گواستنەوەكانی هاوینی داهاتوودا دەستبەرداری دیپای ببێت.
هەروەها تۆڕی كاڵچیۆ مێركاتۆ ئاشكرایكرد بارسێلۆنا بە بڕی 40 ملیۆن یۆرۆ دەستبەرداری هێرشبەرە هۆڵەندیەكەی دەبێت بەهۆی ئەو قەیرانە داراییەیڕووی لە یانەكەیان كردووە.
هەمان سەرچاوە ئاشكرایكردووە یانەكانی پاریس سان جێرمان ، یوڤێنتوس ، ڕۆما و بروسیا دۆرتمۆند هەوڵی بەدەستهێنانی دیپای دەدەن لە گواستنەوەكانی هاوینی داهاتوودا.
دیپای لەگەڵ بارسێلۆنا بەشداری لە 19 یاریدا كردووە و توانیویەتی 8 گۆڵ تۆمار بكات ودوو گۆڵیش درووست بكات.
