ناگلیسمان: لیڤاندۆڤسكی دەگاتەوە بە ڕیكۆردەكەی میسی و ڕۆناڵدۆ
یاریگا-
جولیان ناگلیسمان ، ڕاهێنەری یانەی بایرن میونشنی ئەڵمانی دووپاتیكردەوە ڕۆبەرت لیڤاندۆڤسكی پۆڵەندی و هێرشبەری یانەكەیان دەگاتەوە بە ڕیكۆردە ناوازەكەی لیۆنێل میسی و كریستیانۆ ڕۆناڵدۆ.
بایرن میونشن لە یاریگای خۆیدا میوانداری بەنفیكای كرد و یاریەكەشی بە ئەنجامی پێنج گۆڵ بەرامبەر دوو گۆڵ لێ بردەوە ، لە میانەی یاریەكانی هەفتەی چوارەمی قۆناغی كۆمەڵەكانی خولی یانە پاڵەوانەكانی ئەوروپا.
گۆڵەكانی بایرن لەلایەن لیڤاندۆڤسكی سێ گۆڵ و گنابری و سانێ گۆڵێك تۆمار كران.
سەبارەت بە لیڤاندۆڤسكی ناگلیسمان ووتی: ئەو لە هێرشبەری یاری دەكات و لە هەموو جێگایەكەی پێشەوە دەتوانێت یاری بكات ، دەیەوێت هەموو تۆپێك بگات بە ئەو و هەموو كات گۆڵی زۆر تۆمار بكات.
هەروەها ووتیشی: ژمارەكانی نایابن ، ئێستا هەوڵی گەشتن بە گۆڵی ژمارە 100 دەدات لە چامپیۆنسلیگ.
هیچ یاریزانێك نەیتوانیوە بگات بە گۆڵی 100 لە خولی یانە پاڵەوانەكانی ئەوروپا تەنها ڕۆناڵدۆ و میسی نەبێت ، لە ئێستادا لیڤاندۆڤسكیش خاوەنى 81 گۆڵە لە پاڵەوانیەتیەكەدا.
