سۆلاری: سەردەمی پێلێ كۆتاییهات و ئێستا كاتی ئەوەیە باسی میسی بكەین

یاریگا-

سانتیاگۆ سۆلاری ئەرجەنتینی و ڕاهێنەری یانەی ئەمریكای مەكسیكی ستایشی لیۆنێل میسی هاونیشتیمانی دەكات.

لیۆنێل میسی لە یاری هەڵبژاردەكەی بەرامبەر پۆلیڤیا توانی هاتریك تۆمار بكات و كۆی گۆڵەكانی بگەیەنێتە 79 گۆڵ و پێش پێلێی بەڕازیلی بكەوێت كە خاوەنی 77 گۆڵ بوو بۆ هەڵبژاردەكەی لە كیشوەری ئەمریكای باشوردا.

لە لێدوانی ڕۆژنامەوانیدا سۆلاری ووتی: پێلێ ئەم گفتوگۆیانەی دواخست و ئێستا میسی گۆڵی لەو زیاتر تۆمار كردووە و دەتوانین دووبارە قسە بكەین.

ئەستێرەكەی پێشووی تانگۆ ووتیشی: سەردەمی ئەوە كۆتاییهات باسی پێلێ بكرێت وەك گۆڵكاری كیشوەری ئەمریكا ئێستا كاتی باسكردنی باشترینە ئەویش لیۆنێل میسیە.