یاریگا-
ئۆلیڤەر جیرۆد، هێرشبەری فەرەنسی یانەی چێڵسی ئینگلیزی توانی کارگێری یانەکەی رازی بکات و یانەکەی جێبێڵێت و چاوەڕێش دەکرێت لە ماوەی چەند کاتژمێری داهاتوو پەیوەندی بە ریزەکانی یانەی ئەیسی میلانی ئیتاڵیەوە بکات.
فابریزیۆ رۆمانۆ رۆژنامەنوسی ئیتاڵی لە هەژماری فەرمی خۆی لە تۆڕی کۆمەڵایەتی تویتەر بڵاویکردووەتەوە هەردوو یانەی چێڵسی و ئەیسی میلان لەسەر گواستنەوەی هێرشبەرە فەرەنسیەکە گەیشتونەتە رێکەوتن و بریارە لە ماوەیەکی نزیکدا ئەو یاریزانە بەرامبەر دوو ملیۆن یۆرۆ بۆ ماوەی دوو وەرز واتە تاوەکو کۆتایی هاوینی ساڵی 2023 پەیوەندی بە یانەی وڵاتەکەیەوە بکات.
جیرۆد لەوەتەی ساڵی 2018 یاری بۆ چێڵسی دەکات و لەو کاتەوە لەگەڵ یانەکەی لە سەرجەم خوڵ و پاڵەوانتیەکان بەشداری 119 یاری کردووە و توانیویەتی 105 گۆڵ و 41 ئاسیست بۆ یانەکەی بکا
