یاریگا–
یانەی بارسێلۆنای ئیسپانیا بەردەوامە لە دەستبەرداربوونی یاریزانەکانی و چاوەڕێ دەکرێت ئەمڕۆ بەشێوەیەکی فەرمی جونیۆر فریپۆ بەرگریکاری ئەو یانەیە پەیوەندی بە ریزەکانی یانەی لیدز یونایتدی ئینگلیزیەوە بکات.
فابریزیۆ رۆمانۆ رۆژنامەنوسی ئیتاڵی کەمێک لەمەوبەر لە هەژماری فەرمی خۆی لە تۆڕی کۆمەڵایەتی تویتەر بڵاویکردەوە هەردوو یانە لەسەر گواستنەوەی بەرگریکارەکەی بلاوگرانا رێکەوتوون و چاوەرێ دەکرێت لە ماوەیەکی نزیکدا بەفەرمی هەواڵەکە بڵاوبکرێتەوە و ئەو یاریزانە بەرامبەر 15 ملیۆن یۆرۆ و هەندێ گۆڕانکاری دیکە پەیوەندی بە یانە ئینگلیزیەکەوە بکات.
فریپۆ لە ساڵی 2019 بەرامبەر 18 ملیۆن یۆرۆ لە ریزەکانی یانەی ریال بێتیس گواسترایەوە یانەی بارسێلۆنا و لەگەڵ ئەو یانەیە لە سەرجەم خوڵ و پاڵەوانتیەکان بەشداری 41 یاری کرد تەنها دوو گۆڵ و سێ ئاسیستی هەبوو.