ئەو یاریزانانەی گۆڵیان لەخۆیان کردووە گۆڵکاری یۆرۆن
یاریگا–
شەش بەسەر جامی نەتەوەکانی ئەوروپای 2020 تێدەپەڕێت و تاوەکو ئێستا بێجگە لە یاری نێوان ئیسپانیا و سوید، لە سەرجەم یارییەکانی دیکە هەڵبژاردەکان گۆڵیان کردووە و لە بەشێک یارییەکانی گۆڵی سەرنجراکێش کراون هاوشێوەی گۆڵەکەی پاتریک شیک.
ماڵپەری یوێفا بڵاویکردووە تاوەکو ئێستا لە یارییەکانی جامی نەتەوەکانی ئەوروپا سێ یاریزان گۆڵیان بە هەڵە لە دژی هەڵبژاردەکەیان کردووە، دێمیرال بەرگریکاری هەڵبژاردەی تورکیا، چێزنی گۆڵپارێزی هەڵبژاردەی پۆلەندا و هەرەوەها ماتس هوملێس بەرگریکاری هەڵبژاردەی ئەڵمانیاش بەرامبەر فەرەنسا گۆڵێکی بەهەڵە لە هەڵبژاردەکەی کرد و لە کۆتاییدا یارییەکەیان بەم گۆڵە دۆڕاند.
تاوەکو ئێستا لە پاڵەوانتیەکە حەوت یاریزان توانیویانە دوو گۆڵ بکات و بە هاوبەشی گۆڵکارن، بەڵام تاوەکو ئێستا هیچ یاریزانێک نەیتوانیوە سێ گۆڵ بکات و بەجۆرێک ئەو گۆڵە هەڵانەی کە کراون کە ژمارەیان سێ گۆڵن گۆڵکاری جامی نەتەوەکانی ئەوروپان.
