لیپی: ئەگەر چانسمان هەبێت سەرکەوتوو دەبین
یاریگا–
مارچێلۆ لیپی، راهێنەری پێشووی هەڵبژاردەی ئیتاڵیا پێیوایە پێکهاتەی ئێستا هەڵبژاردەکەی هیچ هاوشێوەی 2006 نیە و ئەگەر چانسیان هەبێت و یاریزانەکان ئامادەبن، ئەوا بەختێکی باشن بۆ بەدەست هێنانی ناسناوی یۆرۆی 2020.
لە دیمانەیەکدا لەگەڵ رۆژنامە لاگازێتا دلپ سپۆرتی وڵاتەکەی، راهێنەری پێشووی ئازۆریەکان لەبارەی ئامادەکاری هەڵبژاردەی وڵاتەکەی بۆ جامی نەتەوەکانی ئەوروپا گووتی ” پێکهاتەی ئێستامان لەگەڵ ساڵی 2006 زۆر جیاوازە، یاریزانەکانمان ئەگەر لە رۆژی خۆیان بن و چانسیان هەبێت، ئەوا دەتوانن ناسناوەکە بەدەست بێنن، ئیتاڵیا هەمیشە هەوڵ بۆ بردنەوە دەدات، بۆیە دڵنیام ئەمساڵیش ئاستێکی باش پێشکەش دەکەن ”.
لیپی لە بەشێکی دیکەی قسەکانیدا گووتی ” دوو یاریزان لە هەڵبژاردەی ئیتاڵیا خاڵی یەکلاکەرەوەن، یەکەمیان نیکۆ بارێلایە ئەو باشترین ناوەڕاستکاری جیهانە و بەباشی هاوکاری هێلی بەرگریش دەکات، ئەوی دیکەشیان چیرۆ ئیمۆبیکە ئەویشیان هەمیشە تینوی سەرکەوتنە و بە هەموو توانایەک هەوڵی سەرکەوتن دەدات ”.