ڤیدال سەبارەت بە ماچكردنی لۆگۆی یوڤێنتوس: سڵاو بۆ براكەم
یاریگا- ئارتۆرۆ ڤیدالی چیلی و یاریزانی یانەی ئینتەر میلانی ئیتاڵی باس لە دیمەنەكەی دەكات لەگەڵ جۆرجیۆ كیلینی.
ڤیدال وەك خۆشەویستیەكی بۆ یانەكەی پێشووتری سڵاوی لە هاوڕێكانی كرد لە یوڤێنتوس لەوانە پێرلۆ و كیلینی كە كامێراكان وێنەیان گرتووە لە كاتێكدا ماچی لۆگۆی یوڤێنتوس دەكات.
Vidal accidentally kissed the Juventus badge before kick off 😂 pic.twitter.com/VduftSgVN4
— ESPN FC (@ESPNFC) January 17, 2021
ڤیدال لە پەیامێكدا لە تۆڕی كۆمەڵایەتی ئینستاگرام ئەوەی ڕوونكردووەتەوە و نووسیوویەتی: ئامانجم ئەوە نەبووە لۆگۆی یانەیەكی دیكە ماچ بكەم ، ماچەكەم ئاماژەیەك بوو بۆ خۆشەویستیم بۆ براكەم ، من چەندین ساڵم لەگەل ئەودا بووە ، ڕێز لەو یانە و هاندەرەكانی دەگرم.
هەروەها نووسیویشیەتی: هاندەران متمانەم پێدەكەن كە من بەرگری لە درێسی ئینتەر میلان دەكەم و وە بۆ ئەوەش ئامادەم ڕۆح بدەم لە پێناوی.
شایەنی باسە ئینتەر میلان توانی بە دوو گۆڵی بێ وەڵام لە یوڤێنتوس بباتەوە كە گۆڵی یەكەمی یاریەكە لەلایەن ڤیدالەوە تۆماركرا.
