ڕاپۆرتە ڕۆژنامەوانیەكان ئەستێرەیەكی ڕیاڵ مەدرید گرێبەستەكەی تا ساڵێك نوێ دەكاتەوە

یاریگا- ڕاپۆرتە ڕۆژنامەوانیەكانی ئیسپانیا ئەوەیان ئاشكرا كرد كە ڕیاڵ مەدرید گرێبەستی یەكێك لە ئەستێرەكانی تا ساڵی 2022نوێ دەكاتەوە.

لۆكا مۆدریچ ئەستێرەی هێڵی ناوەندی یانە شاهانەكە گرێبەستەكەی لە كۆتایی وەرزدا بەسەردەچێت.

بە پێی هەواڵێكی ڕۆژنامەی ماركای ئیسپانی ، فلۆرینتینۆ پێرێزی سەرۆكی یانەی ڕیال مەدرید لەگەڵ یاریزانە كرواتیەكە گەشتووەتە ڕێككەوتن بۆ ئەوەی ماوەی وەرزێكی دیكە یاریسازەكەی مێرینگی لە ڕیزەكانی بهێڵێتەوە.