ڕاهێنەری لیۆن نهێنی سەرکەوتن بەسەر مان سیتی ئاشکرا دەکات
یاریگا- ڕودی گارسیا، ڕاهێنەری لیۆن باس لە گرنگترین پلانەکان دەکات بۆ سەرکەوتن بەسەر مان سیتیەکەی گواردیۆلا دایانڕشتبوو، وە توانیشیان ئامانجەکەیان بەدی بهێنن.
لیۆن توانی بە 3-1 گۆڵێک مان سیتی لە چارەکی کۆتایی چامپیۆنزلیگ بکاتە دەرەوە و خۆیان بگەیەننە چوارگۆشەی زێڕین. دوای یارییەکە، گارسیا بەم شێوەیە باسی لە پلانە تەکتیکییەکانی پشت بردنەوەکان کرد: “شانازی بە یاریزانەکانمەوە دەکەم. باوەڕمان بە خۆمان هەبوو، دەشمانزانی کە پاڵێوراو نین بەرامبەر یانەیەکی وا گەورە. بەڵام سێ گۆڵمان کرد و یەک گۆڵیشمان لێ تۆمار کرا، هەموو ئەوەش بەهۆی کار و ڕۆحیەتی بە کۆمەڵەوە بوو. لەگەڵ گواردیۆلا دەبێت پێشبینی بکەیت، بەڵام ئێمە شەڕە تەکتیکیەکەمان بردەوە. سیستمی خۆمان بەکار هێنا و سوودمان لێ وەرگرت. کارمان لەسەر بێزارکردنی کیڤن دی بروین دەکرد.
لەسەر درەنگ هێنانە ناوەوەی موسا دیمبیلی، کە دواتر بوو بە فریادڕەس و دوو گۆڵی لە خولەکەکانی 79 و 87 تۆمار کرد، گارسیاگوتی: “بۆ دیمبلی مایەی نیگەرانی بوو کە سەرەکیی نەبوو، بەڵام ێم گوت کە زۆر گرنگیی خۆی دەبێت.”
چوارشەممەی داهاتوو لیۆن لەگەڵ بایەرن میونخ یارییچوارگۆشەی زێڕین ئەنجام دەدەن.
