یاریگا –
هاری كەین، ئەستێرەی ئینگلیزی یانەی بایرن میونشنی ئەڵمانی چاوەڕوان دەكرێت گرێبەستەكەی لەگەڵ یانەكەی نوێبكاتەوە.
کەین لە هاوینی 2023 تۆتنهامی جێهێشت و بە 95 ملیۆن یۆرۆ پەیوەندی بە بایرن میونشن کرد و تاوەكوو 2027 گرێبەستی لەگەڵ یانەكەی هەیە.
پێشتر تۆڕی تۆڕی سکای سپۆرتس بڵاویکردبوویەوە، بارسێلۆنا گرنگی بە گواستنەوەی هاری کەین، کاپتنی هەڵبژاردەی ئینگڵتەڕا دەدات. ئێستا بارسێلۆنا بەدوای رێگەیەک بۆ دابینکردنی پارەی گواستنەوەی هاری کەین دەگەڕێت و چۆنیەتی دابینکردنی پارەی گرێبەستەکە تاوتوێ دەکەن.
🚨 Harry Kane likely to sign new Bayern Munich contract despite Barcelona enquiry. #FCBarcelona called camp to express interest but barring unexpected twist #England captain will extend at #FCBayern. Total focus now on WC @TheAthleticFC after @CraigHope_DM https://t.co/i1X2gxEbG2
— David Ornstein (@David_Ornstein) June 29, 2026
بە گوێرەی زانیارییەكانی دەیڤد ئۆرنشتاین، هاری كەین بە دووری نازانێت گرێبەستێكی نوێ لەگەڵ بایرن میونشن واژۆ بكات.
بارسێلۆنا ئارەزووی خۆیان بۆ گواستنەوەی هاری كەین دەربڕیوە و پەیوەندیان بە یاریزانەكەوە كردووە، بەڵام ئەگەر گۆڕانکارییەکی چاوەڕواننەکراو روونەدات، کاپتنەکەی هەڵبژاردەی ئینگلتەرا گرێبەستەکەی لەگەڵ بایرن میونشن نوێ دەکاتەوە.
هاری كەین لە سەرجەم پاڵەوانێتییەکان 147 یاریی بۆ یانە ئەڵمانییەکە کردووە، 146 گۆڵی کردووە و 33 گۆڵی دروستکردووە.
لەم وەرزە بە درێسی یانە و هەڵبژاردە لە سەرجەم پاڵەوانێتییەکان 70 گۆڵی کردووە.
