دەنگۆكانی مێركاتۆ؛ خولیان ئالڤارێز وەڵامی کۆتایی ئاتلێتیکۆ دەداتەوە و ریال مەدرید دەچێتە کێبڕکێی گواستنەوەی دیۆماندێ

یاریگا –

کۆمۆ ئۆفەرێکی بە بەهای 23 ملیۆن پاوەند بۆ گواستنەوەی ترێڤۆ چالۆبا پێشکەش کردووە، بەڵام چێڵسی داوای 30 ملیۆن پاوەند دەکات – سکای سپۆرتس

ئێڤەرتن تەواوی هەوڵەکانی بۆ گواستنەوەی لیام دێلاپ، هێرشبەری چێڵسی چڕکردووەتەوە – فووتبۆڵ ئینسایدەر

ریال مەدرید بۆ گواستنەوەی یان دیۆماندێ کێبڕکێی لیڤەرپوول و پاریس سانجێرمان دەکات – El Debate

سەرەڕای ئەوەی باس لە گەڕانەوەی ماوریسیۆ پۆچێتێنۆ بۆ پرێمەرلیگ دەکرێت، فیدراسیۆنی تۆپی پێی ئەمریکا ئۆفەرێکی گەورەی بۆ نوێکردنەوەی گرێبەستەکەی تاوەکوو چوار ساڵی دیکە پێشەش کردووە – تۆک سپۆرت

ئینتەر میلان رەنگە لە گواستنەوەی کورتیس جۆنز، ناوەڕاستکارت لیڤەرپوول شکستبهێنێت چونکە لیڤەرپوول داوای 40 ملیۆن یۆرۆ دەکات و ئینتەر ئامادە نییە لە 25 ملیۆن یۆرۆ زیاتر بدات – کالچیۆ مێرکاتۆ

ئاتلێتیکۆ مەدرید هەوڵیداوە خولیان ئالڤارێز رازیبکات بمێنێتەوە بەڵام خولیان سوورە لەسەر ئەوەی پەیوەندی بە بارسێلۆنا بکات – موندۆ دێپۆرتیڤۆ

نیوکاسڵ یونایتد توانای گواستنەوەی فێلیکس مێچا، ئەستێرەی بۆڕووسیا دۆرتموندی نییە – کرۆنیکڵ

تۆماس مونیەر، بەرگریکاری بەلجیکی گرێبەستەکەی لەگەڵ لیل کۆتاییهاتووە و هۆڵ سیتی گرنگی بە گواستنەوەی دەدات – تۆک سپۆرت

مارکوس راشفۆرد نایەوێت پەیوەندی بە تۆتنهام بکات و دەیەوێت جارێکی دیکە بگەڕێتەوە بارسێلۆنا – ئای پەیپەر