گیراوە نهێنییەکەی مۆندیال؛ ئەو گیراوە چییە و بۆچی ناوبژیوانەکە خواردییەوە؟

یاریگا –

شەوی رابردوو لە یارییەکانی گەڕی دووەمی قۆناخی کۆمەڵەکان هەردوو هەڵبژاردەی ئەمریکا و ئوستڕالیا رووبەڕووبوونەوە و ئەمریکا 2-0 یارییەکەی بردەوە.

لە کۆتا خولەکەکانی یارییەکە رووداوێکی سەرنجڕاکێش روویدا و ناوبژیوانی یارییەکە بەهۆی گرژبوونی ماسوولکەکانی تووشی پێکان بوو، کەوتەسەر زەوی و نەیتوانی یارییەکە تەواو بکات، بەڵام راستەوخۆ گیراوەیەکی پێدرا، دوای خواردنەوەی گیراوەکە تەندروستی باشتربوو، هەستایەوە و یارییەکەی تاوەکوو کۆتایی بەڕێوەبرد.

گیراوە نهێنییەکە چییە؟

رۆژنامەی سەن بڵاویکردووەیەوە، ناوی ئەو گیراوەیە (Pickle juice) واتا “ئاوی خەیارشۆر”ـە کە توانایەکی کاریگەری هەیە لە چارەسەرکردنی گرژبوونی ماسوولکە.

ئەو خواردنەوەیە لەماوەی کەمتر لە 60 چرکەدا چارەسەری گرژبوونی ماسوولکە دەکات، لەناو “ئاوی خەیارشۆر” سرکەیەکی زۆر هەیە کاتێک بەر قوڕگ دەکەوێت ئاماژەیەکی دەستبەجێ “سگناڵ” بۆ مێشک دەنێرێت بۆ هێورکردنەوەی ئەو دەمارانەی بەرپرسن لە ناردنی سیگناڵی هەڵە کە دەبنە هۆی گرژبوونی ماسوولکەکان.

بەڵام لەناو ئاوی خەیارشۆر رێژەیەکی زۆری خوێ هەیە بۆیە باش نییە زۆر بخورێتەوە، هەروەها کەسێک فشاری خوێنی بەرزبێت، نەخۆشی دڵ یان گورچیلەی هەبێت باش نییە بیخواتەوە.

The mysterious concoction given to the referee here is probably pickle juice.

Pickle juice relieves muscle cramps rapidly, often in under two minutes, not by rehydrating the body or restoring electrolytes, but through a reflex in the throat. The acetic acid in the vinegar… pic.twitter.com/hhnMHKZLW0

— Keith Siau (@drkeithsiau) June 19, 2026