شۆک؛ راهێنەری پۆرتوگال دەستبەرداری پۆستەکەی دەبێت!
یاریگا –
هەواڵێک هاندەرانی هەڵبژاردەی پۆرتوگال دەهەژێنێت کە راهێنەرەکەیان دەستبەردای پۆستەکەی دەبێت.
هەڵبژاردەی پۆرتوگال بە راهێنەرایەتی مارتینێزی ئیسپانیی بە خەونی گەورەی بردنەوەی یەکەمین مۆندیال لە مێژووی خۆیاندا هاتوونەتە نێو کەشوهەوای ئەمریکای باکوورەوە کە وڵاتەکانی ئەمریکا، کەنەدا و مەکسیک میواندارێتی وەشانی 2O26 دەکەن.
بەگوێرەی هەواڵێکی چاوەڕواننەکراو لە تۆڕی هەواڵی سکای سپۆرتسەوە، کە پشتی بە سەرچاوەکانی نێو کامپی هەڵبژاردەی پۆرتوگال بەستووە، مارتینێز لەدوای تەوابوونی مۆندیالەکە دەستبەرداری پۆستەکەی دەبێت.
سەرچاوەکە بەبێ ئەوەی هۆکارەکەی ئاشکرابکات، ئاشکرایکردووە کە بڕیارەکەی مارتینێز پەیوەندی نابێت بە ئەنجامەکانی هەڵبژاردەوە لە جامی جیهانی.
Roberto Martinez is set to step down as Portugal’s manager at the end of the World Cup 🚨
It’s understood Jose Mourinho had verbal agreement in place to take over Portugal after this World Cup before being offered the Real Madrid job. pic.twitter.com/asRZTNWl3K
— Sky Sports News (@SkySportsNews) June 16, 2026
لە کۆتا بەشی زانیارییەکانیدا سکای سپۆرتس ئەوەشی ئاشکراکردووە کە یەکێتی تۆپی پێی پۆرتوگال پەیوەندی بە خۆزێ مۆرینیۆ کردووە و لەگەڵ سپێشەڵ وەن رێککەوتنی زارەکییان کردووە بۆ وەرگرتنی پۆستەکە لەدوای مۆندیال، بەڵام خۆزێ سەرەنجام پەیوەندی بە ریال مەدریدەوە کردووە و گەڕاوەتەوە بۆ راهێنەرایەتی یانە شاهانەکە.
