یاریی کردنەوەی مۆندیالی 2026 ریکۆردی توندترین یاریی تۆمارکرد بەدرێژایی مێژووی پاڵەوانێتیەکە
یاریگا –
مەکیسک و باشووری ئەفریقا یاریی کردنەوەی مۆندیالی 2026یان ئەنجامدا و تێیدا مەکسیکیەکان کە یەکێکن لە سێ وڵاتەکەی خانەخوێی پاڵەوانێتیەکە، توانیان 2-0 لە دژبەرە ئەفریقیەکەیان ببەنەوە.
یارییەکە بە ژمارەی کارتە سوورەکانیدا وەک توندترین یاریی دەستپێکی پاڵەوانێتیەکەبوو بەدرێژایی مێژوو.
هەردوو هەڵبژاردە لە مۆندیالی 2010یش یاریی کردنەوەیان ئەنجام دا، کە ئەوکات بە یەکسانبوونی 1-1 کۆتایی هات.
ناوبژیوانی یارییەکەی ئەمشەو کە ویڵتن سامپایۆی بەڕازیلی بوو، لە خولەکی 50 یەکەم کارتی سووری بە رووی سێفیلۆ سیسۆلی یاریزانی ئەفریقای باشوور بەرزکردەوە. بە شەش خولەک پێش کۆتایی هاتنی کاتی یاسایی یارییەکە، سێمبا زوانی لە هەمان هەڵبژاردە کرایەدەرەوە.
وەک ئەوەی ریکۆردێکی نەرێنی چاوەڕێی یارییەکە بکات، لە خولەکی 1+90 سیزار مۆنتێسی مەکسیکیش کارتی سووری وەرگرت.
بەگوێرەی زانیاریی ماڵپەڕەکانی تایبەت بە ئامار و ژمارە پێوانەییەکان، ئەوە بووە توندترین یاریی بەدرێژایی مێژووی یاریی دەستپێکی جامی جیهانی.
ئۆپتا نووسیویەتی، مۆندیالی 2022 کە لە قەتەر بەڕێوەچوو، لە سەرجەم رووبەڕووبوونەوەکاندا کە 64 یاریی بوو تەنها 4 کارتی سوور پیشاندرابوو. بەم ریکۆردەی ئەمشەو، پێشبینی یەکێک لە هەرە توندترین مۆندیالەکان دەکرێت، بەتایبەت کە ژمارەی هەڵبژاردەکان تێیدا 48 تیمە و رکابەری بەهێز هەیە.
3 – In the first game at the 2026 FIFA World Cup, there were three red cards awarded.
At the 2022 World Cup, only four red cards were shown in 64 games overall.
Brandished. pic.twitter.com/YWYjy2Mu27
— OptaJoe (@OptaJoe) June 11, 2026
