یاریگا –
چەند رۆژێک لەمەوبەر، تیم پاین یاریزانێکی تۆپی پێی کەمناسراو بوو لە دەرەوەی نیشتمانەکەی خۆی لە نیوزلەندا، کە لەم دواییانەدا بۆ پێکهاتەی وڵاتەکەی بۆ مۆندیال بانگهێشتکرابوو.
جگە لە دوو ماوەی کورت لە دەرەوەی وڵاتەکەی، لە ئینگلتەرا لەگەڵ بلاکبێرن رۆڤەرز کە تێیدا هیچ یارییەکی بۆ تیمی یەکەم نەکرد و لە ئەمریکا لە تیمی یەدەکی پۆرتلاند تیمبەرز، دەکرێت بگوترێت ئەم یاریزانە 32 ساڵانە ناوێکی ناسراوی جیهانی نەبوو. بەڵام ئێستا دۆخەکە بە تەواوی گۆڕاوە.
بەهۆی کەسایەتییەکی کاریگەری تۆپی پێ لە ئەرجەنتین، پاین کە یاری بۆ یانەی وێڵینگتن فینیکس لە خولی ئەی-لیگی ئوسترالی دەکات، فۆڵۆوەرەکانی ئینستاگرامەکەی لە کەمتر لە 5,000ـەوە بۆ 3.8 ملیۆن و هێشتاش لە زیادبووندایە، بەمەش چێژی لە ناوبانگێکی نیوەشەوی خێرا بینی.
کتومت چی روویدا؟
هەموو شتێک لەو شوێنەوە دەستی پێکرد کاتێک دروستکەری دیجیتاڵی و کەسایەتی کاریگەری تۆپی پێ، ڤالێن سکارسینی بڕیاریدا بەدوای کەمناسراوترین یاریزانی تۆپی پێی مۆندیال دا بگەرێت، تاوەکوو بتوانێت وەکوو خۆی گوتی: “یاریزانێک بدۆزێتەوە کە هەموومان یەکبخات… بێگوێدانە نەتەوە”.
ئەو گەڕانە گەیاندییە پاین، کە بەگوێرەی شیکارییەکانی ئەو، گەورەترین لێقەوماو بوو، ئەم بانگەشەیەش بە پشتبەستن بە ژمارەی فۆڵۆوەرەکانی ئینستاگرام و لایکی وێنەی مەشقەکانی لەگەڵ تیمی نیشتمانی بوو.
پاشان سکارسینی، کە بە ناوی ئۆنلاینی سکارسۆ (Scarso) ناسراوە، ئینستاگرام، تیکتۆک و یوتیووبی بەکارهێنا بۆ هاندانی سوپای فۆڵۆوەرەکانی کە 1.6 ملیۆن کەس بوون لە سەرجەم پلاتفۆرمەکاندا و پێی گوتن: “پۆستەکانی پاین پڕ بکەن لە لایک و کۆمێنت”.
لە درێژەی قسەکانیدا گوتی:
دەبێت لە هەموو شوێنێک دەست بکەین بە ناوهێنانی تیم پاین… دەبێت ڤیدیۆ دروست بکەین بۆ گەورەکردنی ئەفسانەی تیم پاین. دەبێت ناوی تیم پاین بخەینە سەر زمانی هەموو کەسێک. ئامانجمان پێش مۆندیال ئەوەیە ببینین چەند کەس تیم پاین دەناسن پێش ئەوەی جامەکە دەست پێبکات. دەبێت بنکەیەکی باشی هاندەران دروست بکەین بۆ پشتگیریکردنی. من متمانەم هەیە کە ئەوان (نیوزیلاند) دەتوانن لە کۆمەڵەی G سەرکەون. سبەی دەتانبینمەوە بۆ ئەوەی ببینین چۆن چیرۆکەکە بەردەوام دەبێت.
سکارسۆ ڤیدیۆکەی جارێکی دیکە بە زمانی ئیسپانی بڵاوکردەوە و لێیگەڕا ئینتەرنێت کارەکەی خۆی بکات.
@elscarso QUE SEA EL PROTAGONISTA DEL MUNDIAL 🏆‼️ #greenscreen #tiktokdeportes #tiktokfootballacademy #futbol #argentina🇦🇷 ♬ Famous Mozart’s Turkish March(872150) – East Valley Music
سەرکەوتوو بوو؟
بەڵێ، بە دڵنیاییەوە. چیرۆکەکە بەخێراییەکی زۆر بەردەوام بوو. تاوەکوو رۆژی پێنجشەممە، فۆڵۆوەرەکانی پاین لە ئینستاگرام لە 4,715ـەوە بۆ ملیۆنێک تەقییەوە.
پۆستە ئاسایی و کەمەکانی ئەو کە پێشتر دەربارەی ئاستە باشەکانی لەگەڵ وێڵینگتن فینیکس، یاریی گۆڵف لەگەڵ هاوڕێکانی یان یاریکردن بۆ نیوزیلاند بوون، لەناکاو سەرنجێکی یەکجار زۆریان راکێشا. ئیمۆجی بزن (سەرناوی باشترینی مێژوو)، ئیمۆجی ئاگر و هەزاران پەیامی پشتگیری بە زمانی ئیسپانی هەڵڕژانە کۆمێنتەکانییەوە.
زۆربەی کۆمێنتەکان کەیفخۆشانە و بە شێوازی گاڵتەجاڕی بوون. لە کۆمێنتێکدا لیستێک خرابووە روو کە تێیدا نووسرابوو:
تیم پاین
کریستیانۆ رۆناڵدۆ
لیۆنێل مێسی
ئەم کۆمێنتە نزیکەی 10,000 لایکی لە لایەن بەکارهێنەرانی دیکەوە پێدرا. دوای ماوەیەکی کورت، دروشمی “No Payne, No Gain” دەنگی دایەوە. تەنانەت گۆرانییەکیش کە پێدەچێت بە ژیریی دەستکرد دروستکرابێت بە زمانی ئیسپانی بۆی ئامادەکرا، کە هۆنراوەکەی دەڵێت مۆندیالی 2026 هی پاین دەبێت نەوەکوو لامین یامال و وەکوو جێگرەوەی رۆحی ئەفسانەی ئەرجەنتین ئەنخێل دی ماریا وەسفی دەکات.
Ain’t no way 🤣😭 Argentine football fans have made a SONG for viral full back Tim Payne!
The Wellington defender has gained 600,000 followers in less than 24 hours and this saga just keeps getting better 😅 pic.twitter.com/jApne3bL0W
— Isuzu UTE A-League (@aleaguemen) May 28, 2026
تاوەکوو رۆژی پێنجشەممە، سکارسۆ وێنەیەکی ئاهەنگێڕانی خۆی بڵاوکردەوە لە کاتێکدا پەرداخێکی بەدەستەوە بوو لەگەڵ وێنەیەکی لەبەرگیراوەی شاشە، کە ژمارەی نوێی فۆڵۆوەرەکانی پاینی نیشان دەدا.
سکارسۆ لە پۆستەکەدا نوسیوویەتی:
گەیشتمە ملیۆنەکە، تەنیا 48 کاتژمێر تێپەڕی! لە سەرەتای ئەم زنجیرەیەوە. ئەمە شێتانەیە کە ئێمە لەنێوان هەموواندا پێیدا تێدەپەڕین، سوپرایزی دیکەش لەڕێگەن چونکە ئەمە تەنیا سەرەتایەتی، سوپاس بۆ هەمووان کە چوونە ناو کەشتیی تیم پاینەوە.
خودی یاریزانەکە چی دەڵێت؟
دوای ماوەیەکی کورت لە سەرسوڕمان، لەگەڵ تیمی نیشتمانیی نیوزیلاند و یانەکەی هەستیان بەم دەرفەتە کرد و بەشدارییان لەم کەیفخۆشییەدا کرد.
رۆژی پێنجشەممە، پاین ڤیدیۆیەکی وەڵامدانەوەی بڵاوکردەوە. سەرەتا بە زمانی ئیسپانی راهێنراو دەستی پێکرد و پاشان پەیامێکی بە زمانی ئینگلیزی زیاد کرد و گوتی:
تەنیا دەمەوێت سەرەتا سوپاسێکی بێپایانی ڤالێن بکەم. کەمترین شت کە بتوانم بیڵێم ئەوەیە کە 48 کاتژمێری رابردوو زۆر شێتانە بوو. هەروەها دەمەوێت دەریبڕم کە زۆر سوپاسگوزارم بۆ نوێنەرایەتیکردنی وڵاتەکەم لەم مۆندیالە و پێزانینم بۆ هەموو ئەو خۆشەویستییە هەیە، کە لە سەرانسەری جیهانەوە پێم دەگات. زۆر سوپاس (Muchas Gracias).
View this post on Instagram
ئایا بەڕاستی ئەو کەمناسراوترین یاریزانی مۆندیال بوو؟
ئەمە جێگەی مشتومڕە. بە پشتبەستن بە پێوەری ئینستاگرامی سکارسینی، گەڕانێکی خێرا دەتوانێت یاریزانی دیکە بدۆزێتەوە کە فۆڵۆوەری کەمتریان هەیە. ترێڤۆر دۆرنبۆش، گۆڵپارێزی پێکهاتەی کوراساو، 1,400 فۆڵۆوەری هەیە، لە کاتێکدا کێلڤن پیرێس، یاریزانی هێڵی ناوەڕاستی کەیپ ڤێردی 4,191 فۆڵۆوەری هەیە.
بەڵام بێگومان، پاین بۆ جیهانی دەرەوە تاوەکوو رادەیەک نەناسراو بوو.
هیچی دیکە هەیە؟
نیوزلەندا بە تەواوی کەوتووەتە پشت یاریزانەکەی. تیمی رەگبی بەناوبانگیان، All Blacks، ڤیدیۆ کلیپە دروستکراوەکەی ئەویان لە هەندێک لە لاپەڕەکانی خۆیان لە تۆڕە کۆمەڵایەتییەکان بڵاوکردووەتەوە.
@allblacks NO PAYNE NO GAAAIN 🗣️ #allblacks #rugby #bocajuniors #timpayne #football ♬ original sound – AllBlacks
یانەی وێڵینگتن فینیکس مۆنتاژێکی کۆمیدی لە وێنەکان بڵاوکردووەتەوە کە تێیدا لیۆنێل مێسی ئاهەنگگێڕان بۆ گۆڵێک دەکات بە بەرزکردنەوەی قۆڵەکانی و لە کۆتاییدا تێکەڵ بە وێنەیەکی پاین دەبێت کە ئاهەنگێکی هاوشێوە دەگێڕێت. هەژماری فەرمی ئەی-لیگی ئوسترالیش بە تەواوی هاتووەتە نێو بابەتەکەوە و تاوەکوو زیاتر هەشت پۆستی لەو بارەیەوە کردووە.
پاین ئێستا فۆڵۆوەری لە سەرۆکوەزیرانی نیوزیلاند، کریستۆفەر لۆکسۆن، هەژمارە فەرمییەکانی فیدراسیۆنی تۆپی پێی نیوزیلاند و وێلینگتن فینیکس پێکەوە زیاترە.
یەک شت جێگەی دڵنیاییە، کاتێک نیوزیلاند یەکەم یاری خۆی لە قۆناخی کۆمەڵەکاندا لە دژی ئێران لە 16ـی حوزەیراندا لە یاریگای سۆفی (SoFi) لە ئینگلوود دەست پێدەکات، بەرگریکارێکی لەناکاو ناوبانگدەرکردوو لەوێ دەبێت کە فۆڵۆوەرەکانی ئینستاگرامەکەی لە ناسراوترین یاریزانی تیمەکەی زیاترە (کریس وود، هێرشبەری پرێمەرلیگ 162,000 فۆڵۆوەری هەیە) و لەگەڵ کۆمەڵەیەکی نوێ و بەپەرۆش لە هاندەرانی جیهانی کە پشتگیری لێدەکەن دوای ئەوەی سەرکەوتن بەسەر ئەم شەپۆلە شێتانە و نامۆیەی ئینتەرنێتدا.
