تەواو؛ هانزی فلیک گرێبەستە نوێیەکەی واژۆ کرد
مستەر فلیک لە کاتالوونا دەمێنێتەوە
یاریگا –
هانزی فلیک، راهێنەری ئەڵمانی گرێبەستەکەی لەگەڵ بارسێلۆنا نوێکردەوە و بۆ ماوەیەکی درێژخایەن لە کاتالوونیا دەمێنێتەوە.
رۆژنامەی موندۆ دێپۆرتیڤۆ بڵاویکردووەتەوە، ئەمڕۆ دێکۆ، بەڕێوبەری وەرزشی بارسێلۆنا لەگەڵ پینی زەهاڤی، بریکاری کارەکانی هانزی فلیک کۆبووەتەوە، لە کۆبوونەوەکە چارەنووسی هانزی فلیک یەکلایی کراوەتەوە و گرێبەستی راهێنەرە ئەڵمانییەکە نوێکراوەتەوە واژۆی لەسەر پەڕاوەکانی گرێبەستە نوێیەکەی کردووە.
بەگوێرەی زانیارییەکانی موندۆ، هانزی فلیک گرێبەستەکەی لەگەڵ بارسێلۆنا تاوەکوو هاوینی 2028 نوێکردووەتەوە، هەروەها بژاردەی ئەوەشی لەبەردەستدا دەبێت گرێبەستەکەی بۆ وەرزێکی دیکە و تاوەکوو هاوینی 2029 نوێبکاتەوە.
𝐍𝐨𝐭𝐢𝐜𝐢𝐚 𝐌𝐃
🟦🟥 ¡Acuerdo Barça-Flick para la renovación!
➡️ El agente del técnico y Deco sellaron un pacto de ampliación hasta 2028 que incluye también un año opcional hasta 2029 en función de objetivos
✍️ @RogerTorello @ffpolo https://t.co/XHYCYK2HQ5
— Mundo Deportivo (@mundodeportivo) May 11, 2026
هانزی فلیک لە هاوینی 2024 دوای دوورخرانەوەی چاڤی هێرناندێز، پۆستی راهێنەرایەتی بارسێلۆنای وەرگرت و لە سەرجەم پاڵەوانێتییەکان لە 114 یاریی سەرپەرشتی بارسێلۆنای کردووە، 87 یاریی بردووەتەوە، 10 یاریی یەکسانبووە و 17 یاریی دۆڕاندووە.
راهێنەرە 61 ساڵانییەکە دوو نازناوی لالیگا، نازناوێکی جامی شای ئیسپانیا و دوو نازناوی جامی سوپەری ئیسپانیای بۆ بارسێلۆنا بەدەستهێناوە.
