یاریگا –
دوو کۆڵەکەی سەرەکی پڕۆژەکەی مانچێستەر سیتی رەنگە لە هاویندا یانەکە جێبهێڵن.
پڕۆژەکەی مانچێستەر سیتی لەرزۆک بووە، کۆتاییهاتنی سەردەمێک ئەگەرێکی بەهێزە. ئەو تیمە لەبیرنەکراوەی لە پێنج ساڵی رابردوودا دروست کرا، خەریکە دوایین هەناسەکانی دەدات. دوو کەسی داهاتوو کە رەنگە بڕۆن گواردیۆلا و رۆدرین، کە هەردووکیان تەنیا ساڵێک لە گرێبەستەکانیان ماوە. ئەم دۆخە لە هاوینی رابردووەوە و بە رۆیشتنی چیکی بێگریستاین دەستی پێکرد. ئەو بەڕێوەبەرە وەرزشییە ئەندازیاری نێو ئۆفیسەکان بوو کە توانی لە بردنەوەی یەکەم چامپیۆنزلیگ یارمەتی یانەکە بدات.
شانبەشانی ئەو لەسەر کورسی یەدەگ یەکێکی دیکە لە کەسایەتییە گەورەکان هەیە، ئەویش پێپ گواردیۆلایە، کە داهاتووی ئەویش خەریکە روون دەبێتەوە. هەرچەندە هێشتا بە فەرمی پشتڕاست نەکراوەتەوە، بەڵام هەموو ئاماژەکان بۆ ئەوەن کە لە رۆیشتن نزیکترە وەکوو لە مانەوە، سەرەڕای ئەوەی ساڵێکی دیکە لە گرێبەستەکەی ماوە دوای ئەوەی دوایین نوێکردنەوەی بۆ ماوەی دوو ساڵ بوو. بەربژێری سەرەکی بۆ شوێنگرتنەوەی ئێنزۆ مارێسکایە، کە پێشتر یاریدەدەری پێپ بووە و راهێنەرێکی سەرکەوتووی چێڵسی بوو پێش ئەوەی لەم وەرزەدا بەهۆی ئەنجامە ناجێگیرەکانیەوە دەربکرێت.
زانیاری نوێ؛ پێپ گواردیۆلا لە كۆتایی وەرز مانچێستەر سیتی جێدەهێڵێت؟
پایەی سێیەم کە لەنێو یاریگایە و داهاتووی نادیارە، رۆدرییە، ئەو یاریزانەی کە توانی گۆڵە مێژووییەکەی یاریی کۆتایی چامپیۆنزلیگ بکات و تەنیا براوەی باڵۆن دۆرە لە مێژووی یانەکەدا. ئەگەرچی 15 مانگ لە گرێبەستەکەی ماوە بەڵام مانەوەی روون نییە. لە راستیدا دەکرێت لەم هاوینەدا لەگەڵ گواردیۆلا یانەکە جێبهێڵێت، کە دەبێتە گورزێکی کوشندەی دووسەرە بۆ سیتی.
ئێستا هەموو شتێک پەیوەستە بە فێران سۆریانۆ و هۆگۆ ڤیان. ئەوان رووبەڕووی دوو بڕیاری گەورە دەبنەوە: دۆزینەوەی شوێنگرەوەیەکی بەهێز بۆ گواردیۆلا لە ئەگەری رۆیشتنی، هەوڵدان بۆ نوێکردنەوەی گرێبەستی رۆدری، کە پێدەنێتە دوایین ساڵی گرێبەستەکەی. ئەمەش دوو ئەرکی زۆر قورسن بۆ مانچێستەر سیتی.
https://yariga.net/253965/
