یاریگا –
ریال مەدرید بە دۆخێکی ناهەموار تێدەپەڕێت و فشارەکانی سەر ئالڤارۆ ئاربێلوا گەیشتوونەتە لووتکە.
رۆژنامەی سپۆرت بڵاویکردووەتەوە، لە ئەگەری دەرکردنی ریال مەدرید لە چامپیۆنزلیگ، ئاربێلوا لە پۆستی راهێنەرایەتی یانەکە دووردەخرێتەوە.
🔥 Máxima tensión en el Madrid con Arbeloa
‼️ Un KO en la Champions ante el Benfica podría abrir una crisis definitiva para el técnico blancohttps://t.co/h04gFI9wVa
— Diario SPORT (@sport) February 22, 2026
رۆژنامە کاتالوونییەکە ئەوەشی خستووەتەڕوو، فلۆرێنتینۆ پێرێز، سەرۆکی ریال مەدرید هیوادار بوو ئاربێلوا رکابەرییەکی توند لە چامپیۆنزلیگ بکات و بتوانێت نازناوی لالیگا بباتتەوە، بەڵام تاوەکوو ئێستا بارودۆخی مێرەنگی لەژێر سەپەرشتی ئاربێلوا بە دڵی پێرێز نییە، یانەکە لە جامی شای ئیسپانیا دووخراوەتەوە و بە بردنەوەی بارسێلۆنای رکابەری لە یاریی داهاتوو پێشەنگی لالیگاش لەدەستدەدات، تەنیا چامپیۆنزلیگ ماوەتەوە و گومانەکان لەسەر سەرکەوتنی یانەکە بۆ قۆناخی داهاتووی پاڵەوانێتییەکە زیاتر بوون.
بەگوێرەی هەمان سەرچاوە، یاریزانانی یانەکە پێیان وایە ئاربێلوا هیچ پڕۆژەیەکی نییە، ئاستبەرزی ڤینیسیۆس جونیۆر، کیلیان ئێمباپێ و تیبو کۆرتوا خراپی و کەمکووڕییەکانی یانەکەی شاردووەتەوە.
