تەواو: ئینتەر میلان گرێبەستێکی گەورەی یەکلاییکردەوە
یاریگا –
ئینتەر میلان لەگەڵ موسا دیابی، هێرشبەری یانەی ئیتیحادی سعوودی گەیشتووەتە رێککەوتنی کۆتایی.
رۆژنامەنووسی باوەڕپێکراو، فابریزۆ رۆمانۆ بڵاویکردووەتەوە، ئینتەر میلان لەگەڵ موسیا دیابی، هێرشبەری فەڕەنسی لەسەر مەرجە کەسییەکان گەیشتووەتە رێککەوتنی کۆتایی و هەموو شتێکی یەکلاییکردووەتەوە.
بەگوێرەی هەمان سەرچاوە، کریستیان کیڤو، راهێنەری نێرازوری رەزامەندی لەسەر گرێبەستەکە داوە و ئێستا یاریزانەکە تەنیا چاوەڕوانی رووناکی سەوزی ئیتیحادە بۆ ئەوەی پەیوەندی بە ئینتەر بکات.
🚨⚫️🔵 Inter agreed personal terms with Moussa Diaby as the potential signing has also been approved by Cristian Chivu.
Deal now depends on Al Ittihad green light.
It’d be a loan move with €35m buy option clause, as reported.
🎥 https://t.co/GqrkjCN0ls pic.twitter.com/zy1OGpWqFH
— Fabrizio Romano (@FabrizioRomano) January 29, 2026
رۆمانۆ ئاماژەی بەوەش کردووە، گرێبەستەکە بەشێوەی خواستن دەبێت و یانە ئیتاڵییەکە دەتوانێت بە 35 ملیۆن یۆرۆ گرێبەستەکە بکاتە هەمیشەیی.
دیابی هاوینی 2024 لە ئاستۆن ڤێلاوە بەبڕی 60 ملیۆن یۆرۆ پەیوەندی بە ئیتیحاد کردووە و بەدرێسی یانە سعوودیەکە لە سەرجەم پاڵەوانێتییەکان بەشداریی 52 یاریی کردووە، 8 گۆڵی کردووە و 27 گۆڵی دروستکردووە.
