بەپەلە؛ بارسێلۆنا گرێبەستی یاریزانێکی بۆ ماوەیەکی زۆر درێژدەکاتەوە

یاریگا –

بارسێلۆنا لەگەڵ ئەستێترەیەکی یانەکەی گەیشتووەتە رێککەوتن بۆ نوێکردنەوەی گرێبەستەکەی تا ماوەیەکی زۆر درێژ.

بەگوێرەی زانیارییەکانی فابریزۆ رۆمانۆ کە تۆزێ پێش ئێستا بڵاویکردەوە، کارگێڕی بارسا و فێرمین لۆپێز رێککەوتنی زارەکییان کردووە بۆ نوێکردنەوەی گرێبەستی نێوانیان.

هاوینی رابردوو ئەستێرە ئیسپانیەکە نزیکبوو لە جێهێشتنی بلاوگرانا، بەڵام مایەوە و ئێستا یەکێکە لە یاریزانە کاریگەرەکانی تیمەکەی هانزی فلیک. بەجۆرێک، لە 23 یاریی ئەم وەرزە توانیویەتی 10 گۆڵ تۆمار بکات لەگەڵ 9 ئەسێست.

وەک رۆمانۆ ئاشکرای کردووە، گرێبەستە نوێیەکە لۆپێزی 22 ساڵان لە کامپ نو دەهێڵێتەوە تا ساڵی 2031 لەگەڵ بەرزترکردنەوەی مووچەکەی.

🚨🔵🔴 BREAKING: Barcelona verbally agree new deal with Fermín López valid until June 2031.

Fermín rejected to leave in August and he’s set to sign new deal soon, with salary improved.

Could be signed already this week, as @victor_nahe reports. pic.twitter.com/si3Bvfq2vg

— Fabrizio Romano (@FabrizioRomano) January 26, 2026