ئێمپاپێ په‌یامێكی ئاگرین بۆ هانده‌ران، راهێنه‌ری نوێ و ڤینیسۆس و بێڵینگهام ده‌نێرێت

“من لەوە تێدەگەم، پێش ئەوەی ببمە یاریزانی تۆپی پێ، گەنج بووم و کاتێک رازی نەبووم، بە خراپی باسی یاریزانەکانم دەکرد، و ئەگەر لە یاریگاش بوومایە، رەخنەم لێدەگرتن، لەوە تێدەگەم چونکە ئێمە لەسەر ڕێگەی راست نین، بەڵام ئەوەی پێم ناخۆشە ئەوەیە کە مادام فیکەی ناره‌زایه‌ت  لێده‌ده‌ن، دەبێت هەموو تیپەکە بگرێتەوە، نابێت یاریزانێکی دیاریکراو بکرێتە ئامانج.”

“بە دڵنیاییەوە، تەنیا ڤینی تاوانبار نییە، بەڵکو هەموو تیپەکەیە، ئەمە هەموو ئەوەیە کە دەمەوێت بە هاندەرانی بڵێم، دەبێت هێرش بکەنە سەر هەموو تیپەکە، ئێمەش دەبێت قبووڵی بکەین، چونکە ئەمە بەشێکە لە کارەکەمان، بەڵام ناتوانین یاریزانێکی دیاریکراو بکەینە بەرپرسیار و بڵێین هەڵەی ئەوانە، هەڵە، هەڵەی هەمووانە.”

“لە کوێوە ئەو بیرۆکەیەت هێنا کە کێشە لە نێوان یاریزانان و راهێنەر هەیە؟ ئەوەی بڵێ چابی سەرکەوتوو نەبووە، بۆچوونێكی هه‌ڵه‌یه‌، به‌ بۆچوونی من ئه‌و دەبێتە راهێنەرێکی گەورە، پەیوەندییەکی نایابم لەگەڵیدا هەبوو، ئەو خولیای وردەکارییەکانی هەیە ئەوەی روویدا، روویدا. بڕیارێک بوو کە یانەکە دای، و دەبێت رێزی لێبگرین.”

“ئێستا راهێنەرێکی نوێمان هەیە، ئەمە یەکەم ئەزموونی پیشەیی ئەوە، و ئێمە هاوکاری دەکەین، دەبێت بە هەمان خۆشەویستییەوە پشتیوانی لە راهێنەری نوێ ئاربێلۆا، بکەم کە بۆ چابی هەبووه‌، ئەمە ژیانی یاریزانێکی پیشەگەرە و بڕیاری یانەکەیە، و دەبێت رێزی لێبگرین.”

“مۆناکۆ لە باشترین دۆخیدا نییە، بەڵام هەمیشە ئاستێکی بەرزی پاراستووە، پێموایە دەبێت هێرشبەر بین و نیشانی بدەین کە ئەمە رۆژی ئێمەیە، دەمانەوێت بیبەینەوە بۆ ئەوەی شوێنێک لە نێو هەشت تیپە یەکەمەکەدا مسۆگەر بکەین، یارییەکانی چامپیۆنزلیگ لە سانتیاگۆ بێرنابیۆ هەمیشە باشترینیمان پێدەبەخشێت.”

کاروانەکەم نایاب بوو، توانیم زۆرێک لە خەونەکانم بەدی بهێنم، هەرچەندە هێشتا زۆرم ماوە بۆ بەدەستهێنان، بەڵام وەک هەمیشە گوتوومە، ئەگەر مۆناکۆ نەبوایە، نەمدەتوانی بگەمە ئەم ئاستەی ئێستا، زۆرم فێربووم و وەک یاریزان گەشەم کرد. زۆر بە بەخت بووم. ئەوان زۆریان پێدام بۆ ئەوەی یارمەتیم بدەن بگەمە خەونی بوونم بە یاریزانێکی پیشەگەر، هەرگیز ئەوە لەبیر ناکەم.”