یاریگا –
کارگیڕی چێڵسی داهاتووی ئێنزۆ مارێسکا تاوتوێ دەکەن. ئەوەش دوای یەکسانبوونەکەی شەوی رابردوویان بەرامبەر بۆرنمۆس لە درێژەی زنجیرەی ئەنجامەکانیان.
بلووز لەدوای بردنەوەکەیان لە بارسێلۆنا لە 25ی مانگی رابردوو، تا ئێستا 9 یاریی لە سەرجەم پاڵەوانێتیەکاندا ئەنجامداوە تەنها 2 بردنەوەیان تۆمارکردووە. لە بەرامبەردا 3 جار شکست و 5 جاریش کەوتوونەتە داوی یەکسانبوونەوە. ئەوەش گومانی لەسەر داهاتووی راهێنەرە ئیتاڵییەکە دروستکرد.
بەگوێرەی نوێترین زانیاریی کە فابریزۆ رۆمانۆ بڵاویکردووەتەوە، داهاتووی مارێسکا بووەتە جێی باسی کارگێڕی چێڵسی.
رۆژنامەنووسە ئیتاڵیەکە ئەوەشی زانیوە کە بارودۆخەکە بۆ راهێنەرە هاونیشتیمانییەکەی سەخت بووە و گومانەکان تادێت بەهێزتر دەبن.
لە کۆتا بەشی زانیارییەکانی رۆمانۆ ئاشکرایکردووە کە یانەکە و راهێنەرەکەش ئێستا هەڵسەنگاندن بۆ ئەنجامەکان و بارودۆخی گشتیی یانەکە دەکەن.
🚨⚠️ Enzo Maresca’s future under discussion at Chelsea, tense situation with doubts intensifying.
Club and manager assessing the recent results and general situation.
➕🎥 https://t.co/dMKvcIyO2l pic.twitter.com/zzrvGbPplc
— Fabrizio Romano (@FabrizioRomano) December 31, 2025
یانە لەندەنیەکە دوای 19 هەفتە لە یارییەکانی پرێمەرلیگ 30 خاڵی کۆکردووەتەوە و لە پلەی پێنجەمە. لە چامپیۆنزلیگیش لە پلەی 13 دەبینرێن.
