یاریگا –
ئینزۆ مارێسکا ماوەیەکی نایاب لەگەڵ چێڵسی بەڕێدەکات و بردنەوە گەورەکەیان 3-0 لە بارسێلۆنا لە هەفتەی پێنجەمی چامپیۆنزلیگ ناسنامەی تیمێکی کێبڕکێکاری پێبەخشین.
مارێسکا وەک پاڵەوانی جیهان دەبینرێت لەسەر ئاستی یانەکان بەهۆی بردنەوە ناوازەکەیان لە یاریی کۆتایی ئەو جامە لە پاریس سانجێرمانی پاڵەوانی وەرزی رابردووی چامپیۆنزلیگ. بۆ ئەم وەرزەش چاویان لە نازناوی دیکەیە.
بلووز یەکشەممەی ئەم هەفتەیە لە ئەرکێکی دیکەی قورسدا وەک پلەی دووەم رووبەڕووی ئارسیناڵی پێشەنگ دەبێتەوە لە هەفتەی 13ی پرێمەرلیگ کە ئێستا بە شەش خاڵ کەمتر لەدوای تیمە تەنها یەکجار دۆڕاوەکەی ئەم وەرزەی میکێل ئارتێتا. لە کۆنفرانسی رۆژنامەوانی پێش ئەو دێربیەی لەندەن، مارێسکا تواناکانی کۆڵ پاڵمەری بۆ گەڕاوەتەوە کە ماوەیەک بەهۆی پێکان دابڕابوو. راهێنەرە ئیتاڵیەکە لە چۆنێتی بەکارهێنانی دووانەی پاڵمەر و ئێستیڤاو ویلیان کە ئەستێرە بەڕازیلیەکە ئاستێکی ناوازە پێشکەش دەکات، وتی
بەدڵنیاییەوە پاڵمەر و ئێستیڤاو دەتوانن پێکەوە یاریی بکەن. بەڵام پەیوەستە بەوەی لە دژی کام یانە و پەیوەستە بە پلانی یارییەکەوە. بەڵام بەدڵنیاییەوە، ئەوان خۆیان، هاندەرانیش دڵخۆشن بەوە. ئێمەش دڵخۆشین.
🔵🔗 Maresca: “Palmer and Estêvão can play together, for sure”.
“It depends against which team and the game plan. But for sure, they, and the fans, are excited. We are excited”. pic.twitter.com/baAnyd4oae
— Fabrizio Romano (@FabrizioRomano) November 28, 2025
راهێنەرە ئیتاڵیەکە لەنێو ئەو کەتیبەکەی خۆی کە وەک تیمێکی پێکەوەگونجاوی نایاب دەردەکەون و هەریەکە و لە پێگەی خۆی ئاستی بەرچاو پێشکەش دەکات، باشترینیانی دیاریکرد و وتی
پاڵمەرمان بۆ گەڕاوەتەوە. رەنگە ئەو باشترین یاریزانی تیمەکەمان بێت. دڵخۆشین بە گەڕانەوەی.
سەبارەت بەوەی ئایا بە سەرەکی بەرامبەر گەنەرز یاریی بە کۆڵ دەکات، ئێنزۆ وتی
ئێستا ئەوەی لەسەر ئێمەیە کاتی تەواوی پێبدەین تا بە رێژەی 100% بۆ یاریی ئامادەبێت.
🚨🔵 Enzo Maresca: “Palmer is back and he’s probably our best player. We are happy he’s back”.
“Now we need to give him time to be 100% match fit”. pic.twitter.com/aOrlBVz9aj
— Fabrizio Romano (@FabrizioRomano) November 28, 2025
