هاوسن لە هەڵبژاردەی ئیسپانیا دوورخرایەوە و ریال مەدرید لە دۆخەکەی ئاگادارکراوەتەوە
پێکانی یاریزانانی ئیسپانیا بووەتە مۆتەکە
یاریگا –
دین هاوسن، بەرگریکاری ریال مەدرید لە لیستی هەڵبژاردەی ئیسپانیا بۆ رووبەڕووبوونەوەی هەڵبژاردەی تورکیا دوورخرایەوە.
ئەمشەو ئیسپانیا دوا یاریی پاڵاوتنەکانی ئەوروپا بۆ گەیشتن بە مۆندیالی 2026 دەکات و یەکێتیی تۆپی پێی ئیسپانیا، درەنگانی شەوی رابردوو، لە بەیاننامەیەکدا دوورخستنەوەی هاوسنی لە لیستەکە بڵاوکردەوە.
هاوسن بەشداری لە یاریی پێشووی ئیسپانیا لە بەرامبەر جۆرجیا نەکرد و هۆکارەکەی بۆ بوونی کێشە لە ماسوولکەکانی رانی گەڕاندەوە.
یەکێتیی تۆپی پێی ئیسپانیا، بە راپۆرتێک ریال مەدریدی لە دۆخی هاوسن ئاگادار کردووەتەوە و بەمەبەستی خۆپارێزی لە قووڵبوونەوەی پێکانەکە، لە لیستی یاریزانان دوورخرایەوە.
Dean Huijsen, desconvocado para jugar contra Turquía.
ℹ️ Leer más: https://t.co/KhDV4BqXin #VamosEspaña | #CopaMundialFIFA pic.twitter.com/gCSgXfb6db
— Selección Española Masculina de Fútbol (@SEFutbol) November 16, 2025
پێشتر لویس دێلا فوێنتێ، راهێنەری ئیسپانیا دووپاتیکردبووەوە، ریسک بە بەشداریکردنی هیچ یاریزانێک ناکات، ئەمەش دوای رووداوە زەقەکانی لەگەڵ لامین یامال و نیکۆ ویڵیامز.
هاوسن لە دوا یاریی ریال مەدرید بەرامبەر رایۆ ڤاییکانۆ، هەستی بە ئازار دەکرد، بەڵام سەرەڕای ئەمەش بانگهێشتی لیستی لاڕۆخا کرا.
ئیسپانیا پێشەنگی کۆمەڵەکەیەتی و سێ خاڵ لە تورکیا دوورە، تەنانەت ئەگەر ئەمشەو 6-0 بدۆڕێت، تورکیا بەڕاستەوخۆ ناگاتە مۆندیالی 2026.
