یاریگا –
شەوی رابردوو پاریس سانجێرمان هەر ئەنجامی یارییەکەی لەدەست نەچوو، بەڵکوو دوو ئەستێرەی گرنگیشی لە جەنگەکەی نێو باخچەی شازادەکان بەرامبەر بایرن لەدەستدا کە ئەوانیش عوسمان دێمبێلی و ئەشرەف حەکیمی بوون هەر لە گێمی یەکەمی ئەو یارییە.
پی ئێس جی 1-2 بە میوانە ئەڵمانییەکەی دۆڕا، هەواڵی ناخۆشتر لەوەش چەند کاتژمێرێ بەر لە ئێستا بڵاوکرایەوە لەسەر جۆر و ئاستی پێکانی ئەستێرەکانی و ماوەی دوورکەوتنەوەیان.
بەگوێرەی زانیارییەکانی فابریزۆ رۆمانۆ، دێمبێلی لە ماسوولکەکانی پووزیدا تووشی پێکان بووە.
ئەستێترە فەڕەنسییەکە دوای دانیشاندنی، راستەوخۆی لە نێو یاریگا چووەدەرەوە بەرەو راڕەوی یاریزانان.
وەک رۆمانۆ ئاشکرایکردووە، براوەکەی باڵۆن دۆر بۆ چەند هەفتەیەک لە یاریکردن دووردەکەوێتەوە. بەوەش هەڵبژاردەی فەڕەنساش بێبەش دەبێت لە تواناکانی لە یارییەکانی داهاتوویان بەرامبەر ئۆکراینا پێنجشەممەی ئەم هەفتەیە و ئازەربایجان یەکشەممەی هەفتەی داهاتوو لە میانی پاڵاوتنەکانی جامی جیهانی 2026.
🚨 PSG confirm Ousmane Dembélé has suffered a left calf injury, which will keep him sidelined for several weeks.
The Ballon d’Or is also gonna be out for the upcoming international break. pic.twitter.com/IaW1pCCdIk
— Fabrizio Romano (@FabrizioRomano) November 5, 2025
پاریس لە هێڵی بەرگریش حەکیمی هەر بە هەمان هۆکار لەدەستدەدات. بەڵام ئەمەیان ئاستی پێکانەکەی قورستر و ماوەی دوورکەوتنەوەشی زیاترە کە 6-8 هەفتە دەخایەنێت.
جیا لەوانەش، یانە فەڕەنسیەکە پێکانی نونۆ مێندێشی بەرگریکاری لای چەپی راگەیاند. ناوبراو لە ئەژنۆی چەپیدا دووچاری پێکان بووە و ناوبراو چەند هەفتەی داهاتوو لەژێر چاودێری پزیشکیدا دەبێت.
🚨⚠️ Nuno Mendes suffered a sprain in his left knee, as PSG statement confirm.
The left back will remain under medical care for the next few weeks. pic.twitter.com/37JBaimq4W
— Fabrizio Romano (@FabrizioRomano) November 5, 2025