سلێمانی تاکە نوێنەری کوردستانە لە خولی پلە دووی عێڕاق

یاریگا –

تیروپشکی خولی پلە دووی عێڕاق راکێشرا و یانەی سلێمانی وەک تاکە نوێنەری کوردستان بەشداری لە خولەکە دەکات.

بە ئامادەبوونی نوێنەرانی یانە بەشداربووەکان، چوارشەممە ( 5ـی نۆڤێمبەری 2025 ) تیروپشکی خولی پلە دووی عێڕاق راکێشرا، بۆ وەرزی نوێی خولەکە 20 یانە بەشداری دەکات و یانەکانیش بەسەر دوو کۆمەڵە دابەشکران.

کۆمەڵەی یەکەم ( سلێمانی ، دووز ، موارد مائیە ، ئەلڕەد ، نەفتی باکوور ، تیجارە ، سناعات حەربی ، سکەک ، خاڵس ، نەسڕی ئەنبار) 

کۆمەڵەی دووەم ( ئەلخەزەڕ ، جەوهەرە ، ئەکەد ، کفل ، سەفوان ، تشرین ، نوعمانیە ، کوت ، سویرە ، زوبێر ) 

خولی پلە دووی عێڕاق بە دوو قۆناخ و یارییەکانی بەشێوازی چوون و هاتن بەڕێوەدەچێت، خاوەن ریزبەندی یەکەمی هەر کۆمەڵەیەک راستەوخۆ سەردەکەوێت بۆ خولی پلە یەکی عێڕاق لە وەرزی داهاتوو، دووەمی هەر دوو کۆمەڵە یاریی بەرامبەر یەکتر دەکەن و براوەیان لە خولی پلە یەکی عێڕاق دەبێت بۆ وەرزی 2026 _ 2027

یارییەکانی خولی پلە دووی عێڕاق سەرەتای مانگی داهاتوو دەستپێدەکات، سلێمانی کە تاکە یانەی کوردستانە لەم خولە بەشدارە لە یەکەم یارییدا لە یاریگای خۆی رووبەڕووی نەفتی باکوور دەبێتەوە.