یاریگا –
لەناو هەزاران ڕاهێنەر لە سەرتاسەری نەرویج، ناوی كچه كوردێك بەشێوەیەکی تایبەت دەدرەوشێتەوە.
لەنیا، کچێکی کوردی 18 ساڵ بۆ خەڵاتی باشترین راهێنەری بنەڕەتیی 2025 لەلایەن یەکێتیی تۆپی پێی نەرویج لە ناوچەی ئۆسلۆ پاڵێوراوە.
هۆکاری پاڵاوتنی لەنیا لەلایەن تۆم هێنینگ ئۆڤرێبۆ، بەڕێوەبەری تیپەکەیەوە، به‌هۆی ئه‌وه بووه كاریگه‌ری گه‌وره‌ی له‌سه‌ر ئاستی تیپی کلیمێتسرود هه‌بووه، کاتێک تەنها 13 ساڵ بوو، بەرپرسیارێتیی ڕاهێنەرایەتیی تیپی کچانی یانەی کلیمێتسرودی گرتووته ئەستۆ.
سەرەڕای ئەوەی تەنها سێ ساڵ لە یاریزانەکانی گەورەترە، بۆ ماوەی پێنج ساڵ بە شێوەیەکی نموونەیی ئەرکەکەی بەجێگەیاندووە، ئەو تەنها خاوەنی تێگەیشتنێکی قوڵ لە تۆپی پێ و توانایەکی بەرزی فێرکردن نییە، بەڵکو توانیویەتی تیمێک دروست بکات کە هەمووان شانازی پێوە دەکەن و لە 15 ساڵیدا بووە گەنجترین ئافره‌ت کە بڕوانامەی باڵای UEFA Bی ڕاهێنەرایەتی بەدەستبهێنێت.
تیپەکە لە کچانی زیاتر لە 10 وڵاتی جیاواز پێکهاتووە، بەڵام لەنیا بە شێوازێکی بێوێنە توانیویەتی بیانکات بە گروپێکی یەکگرتوو و هاوڕێی یەکتر، چ لەناو یاریگا و چ لە دەرەوەی یاریگا.
جەوهەری کاری لەنیا لەوەدایە کە گرنگی بە کەسایەتیی تەواوی كه‌سه‌كان دەدات، نەک تەنها یاریزان. ئەو پاڵپشتیان دەکات.
له‌نیا كچی راهێنه‌ر و یاریزانی پێشووی هه‌ولێر قه‌یس بلباسه كه له ئێستا له نه‌رویج راهێنه‌ری تیپی چوارچرای كوردستانه و له‌گه‌ڵ یانه‌كه به‌رده‌وامه.
ڕێزلێنان و ناساندنی ئەو ڕاهێنەرانەیە کە کار لەگەڵ منداڵان و گەنجان دەکەن لە ئاستی بنەڕەتی تۆپی پێدا. ئەم ڕاهێنەرانە بە کەسانی گرنگ دادەنرێن بۆ دروستکردنی ژینگەیەکی خۆش و پڕ لە چالاکی بۆ یاریزانە گەنجەکان.
ئەم خەڵاتە بە هاوبەشی لەلایەن یەکێتیی تۆپی پێی نەرویج، کۆمەڵەی ڕاهێنەرانی تۆپی پێی نەرویج رێکدەخرێت.
پرۆسەی دەنگدان: لە سەرەتا دەتوانن پاڵێوراوی خۆیان پێشکەش بکەن. دواتر، لیستێکی پاڵێوراوەکان لە هەر ناوچەیەکی تۆپی پێی نەرویجدا بڵاودەکرێتەوە و خەڵک دەتوانن دەنگ بە پاڵێوراوی دڵخوازی خۆیان بدەن. ماوەی دەنگدان تاوه‌كو 1ـی تشرینی دووەم کراوە دەبێت.
خەڵاتەکان: براوەی هەر ناوچەیەک بڕی 10.000 کرۆنی نەرویجی بەدەست دەهێنێت، كه‌ده‌كاته 990 دۆلاری ئه‌مه‌ریكی براوەی سەرەکی لەسەر ئاستی وڵات، خەڵاتێکی زیادەی بە بڕی 20.000کرۆن وەردەگرێت، کە کۆی گشتی دەکاتە 30.000 کرۆن واته 3000 دۆلاری ئه‌مه‌ریكی.
Her kan du finne kandidatene i din krets og avgi stemme:
Veien vider
