یاریگا –
هاندەرانی مانچێستەر سیتی هەواڵێکی دیکەی ناخۆشیان پێگەشت لە پێش دێربی مانچێستەر و خشتە جەنجاڵ و قورسەکەی ئەم مانگە و مانگی داهاتوویان کە لیستێکی زۆر لە پێکانی یاریزانیان هەیە.
رەیان ئایەت نووری کە ئەم هاوینە لە وۆڵڤزەوە پەیوەندی بە سیتیەوە کرد، یەکێکە لە پێگە هەستیارەکانی ریزەکانی پێپ گواردیۆلا و لە دۆڕندنەکەیان لە 23ی مانگی رابردوو 0-2 لەسەردەستی تۆتنهام، دووچاری پێکان هات لە پاژنەی پێیدا و بەناجاریی دانیشێنرا.
بەگوێرەی زانیارییەکانی فابریزۆ رۆمانۆ، ئەستێرە جەزائیرییەکە بۆ 5 هەفتە لە یارییکردن دووردەکەوێتەوە. بەوەش چاوەڕواندەکرێت تا کۆتایی مانگی داهاتوو، گواردیۆلا نەتوانێ سوود لە تواناکانی بەرگریکارەکەی ببینێتەوە.
🚨🔵 Rayan Ait-Nouri will be out for around 5 weeks with an ankle injury. pic.twitter.com/EhBRXgF6Up
— Fabrizio Romano (@FabrizioRomano) September 13, 2025
جگە لە نووری، مان سیتی زیاتر لە دەرزەنێک یاریزانی پێکانیان هەیە. ئەنجامەکانیشیان دڵخۆشکەرنین. بەوپێیەی لە سێ یاریی سەرەتای وەرزەکەدا لە پرێمەرلیگ، یەک بردنەوە و دوو دۆڕانیان هەیە.
گواردیۆلا بە زیاتر لە پێکهاتەیەک لە یاریزانی پێکراو دەچێتە دێربی مانچێستەرەوە
