نۆتینگهام گرێبەستێکی گەورەی راگەیاند
فۆڕێست رکابەری لەسەر نازناوەکان دەکات
یاریگا –
نۆتینگهام فۆڕێست گرێبەستی لەگەڵ ئارناو کالیموێندۆ واژۆکرد.
سوورپۆشەکان لە گواستنەوەی یاریزانان ناوەستن و کەمێک بەر لە ئێستا گرێبەستییان لەگەڵ کالیموێندۆ، 23 ساڵی یاریزانی رێن واژۆکرد.
دوو هەفتەیە گفتوگۆی چڕ لە نێوان نۆتینگهام و کالیموێندۆ دەستیپێکردووە و بەگوێرەی ئاتلێتیک، یاریزانە فەڕەنسییەکە بە 26 ملیۆن پاوەند پەیوەندی بە فۆڕێست کردووە.
Arnaud Kalimuendo is a Red! 🤩
— Nottingham Forest (@NFFC) August 18, 2025
کالیموێندۆ بەشداری ئۆڵێمپیادی پاریسی ساڵی رابردوودا کرد و لە وەرزی رابردووشدا لە کۆی 34 یاریی 18 گۆڵی کرد.
فۆڕێست بازاڕێکی گەرمی گواستنەوە بەڕێدەکات و لە دوو رۆژی رابردوودا گرێبەستی لەگەڵ عومەری هەتچنسن 37 ملیۆن پاوەند، جەیمس مەکئاتی 30 ملیۆن پاوەند واژۆکرد.
فۆڕێست یەکەمجارە لە 30 ساڵی رابردوودا دەگەڕێتەوە پاڵەوانیەتییەکانی ئەوروپا و بۆ وەرزی داهاتوودا بەشداری لە یۆرۆپالیگ دەکات.
پێشتر نۆتینگهام هەریەکە لە جەیر کونیا و ئیگۆر خێسوس، دان ئێندۆیێ و ئانگەس گەنی گواستبووەوە.
