ریزبەندی باشترین یانەکانی ئەوروپا راگەیێندرا

یاریگا –

فێدراسیۆنی تۆپی پێی ئەوروپا نوێترین ریزبەندی باشترین یانەکانی ئەوروپای بڵاوکردەوە.

یوێفا ریزبەندەکەی بەر لەدەستپێکردنی وەرزی نوێی خولەکانی ئەوروپا بڵاوکردەوە و ریال مەدرید بەجیاوازییەکی زۆر پلەی یەکەمی گرتووە.

هەرچەندە ریال مەدرید هیچ دەستکەوتێکی ئەوتۆی لە وەرزی رابردوودا نەبوو، کەچی پارێزگاری لە پلەی یەکەم کردووە و ئینتەر میلانیش سێ پلە سەرکەوتووە.

مانچێستەر سیتی دوو پلە دابەزیوە و بایرن میونشیش دووپلە سەرکەوتووە و ئێستا لە پلەی دووەم ریزبەندی باشترینەکانی ئەوروپایە.

هەرچەندە پاریس سانجێرمان وەرزی رابردوو لە پلەی پێنجەمدابوو، کەچی سەرەڕای بردنەوەی نازناوی چامپیۆنزلیگ، پلەیەک دابەزیوە و لیڤەرپوول پلەیەک پێشیکەوتووە.

ریزبەندی باشترینەکانی یوێفا

1. ریال مەدرید – 117.500 خاڵ
2. بایرن میونشن – 108.250 خاڵ
3. ئینتەر میلان – 107.250 خاڵ
4. مانچێستەر سیتی – 102.750 خاڵ
5. لیڤەرپوول – 101.500 خاڵ
6. پاریس سانجێرمان – 94.500 خاڵ
7. لیڤەرکوزن – 85.250 خاڵ
8. دۆرتموند – 84.750 خاڵ
9. بارسێلۆنا – 83.250 خاڵ
10. رۆما – 80.500 خاڵ

یانەکانی دیکە

• ئاتلێتیکۆ مەدرید لە پلەی 12
• مانچێستەر یونایتد لە پلەی 13
• چێڵسی لە پلەی 14
• ئارسیناڵ لە پلەی 15
• میلان لە پلەی 19
• تۆتنهام لە پلەی 31
• یوڤێنتوس لە پلەی 32
• ناپۆلی لە پلەی 35