دەنگۆكانی مێركاتۆ؛ مانچێستەر سیتی پاڵەوانێكی ئەوروپا دەگوازێتەوە و ریال مەدرید چاودێری ناوەڕاستكارێک دەكات

یاریگا –

مانچێستەر سیتی گفتوگۆكانی بۆ گواستنەوەی جیانلویجی دۆناروما دەستپێكردووە، ئاستۆن ڤیلا دەیەوێت گرێبەستی یاریزانێک بكاتە هەمیشەیی و ئێنكونكو یانەیەكی بۆندسلیگای دەوێت.

مانچێستەر سیتی گفتوگۆكانی لەگەڵ پاریس سانجێرمان بۆ گواستنەوەی جیانلویجی دۆناروما دەستپێكردووە و مەرجەكانی كەسی نابنە هیچ بەربەستێک – RMC Sport.

گاڵاتاسەرای هەوڵی گواستنەوەی ئێدەرسن گۆڵپارێزی بەڕازیلی یانەی مانچێستەر سیتی دەدات، لە ئەگەری رۆیشتنیدا رێگا بۆ گواستنەوەی دۆناروما دەكاتەوە – فابریزیۆ رۆمانۆ.

ساوسامتن یەكەم ئۆفەری وێستهامی بە بەهای 30 ملیۆن پاوەند بۆ گواستنەوەی ماتیۆس فێرناندێس رەتكردەوە – ئاتلێتیک.

ریال مەدرید بەردەوام چاودێری ئادەم وارتن ناوەڕاستكاری 21 ساڵانی كریستاڵ پاڵاس دەكات – دەیلی مەیڵ.

ئاستۆن ڤیلا دەیەوێت ماركۆ ئاسێنسیۆ لە پاریس سانجێرمان بگوازێتەوە دوای ئەوەی وەرزی رابردوو بەخواستن یاریی بۆ یانە ئینگلیزیەكە دەكرد – تێلیگراف.

لیڤەرپوول بە هیچ شێوەیەک نایەوێت لە مێركاتۆی هاوینەدا ئیبراهیما كۆناتێ بەرگریكاری فەڕەنسی یانەكەی بفرۆشێت، هەرچەندە هەوڵی گواستنەوەی دوو بەرگریكاریش دەدات – دەیلی مەیڵ.

بۆرنمس لەگەڵ بایەر لیڤەركوزن گەیشتووەتە رێككەوتنی كۆتایی و ئەمین عادل هێرشبەری مەغریبی دەگوازێتەوە ریزەكانی یانەكەی – فووت مێركاتۆ.

بایەر لیڤەركوزن ئارەزووی گواستنەوەی فاكوندۆ بۆونانۆتێ یاریزانی ئەرجەنتینی یانەی برایتن دەكات – كیكەر.

بۆڕووسیا دۆرتموند لە گواستنەوەی فابیۆ سیلڤا هێرشبەری پۆرتوگالی دووركەوتەوە دوای ئەوەی وۆڵڤز نرخی دەستبەرداربوون لە یاریزانەكەی زیادكرد – تیم تۆک.

كریستۆفەر ئێنكونكو هێرشبەری فەڕەنسی یانەی چێڵسی دەیەوێت پەیوەندی بە بایرن میونشنەوە بكات – فلۆریان پلێتنبێرگ.