یاریگا–
ئاشلی کۆل، بەرگریکاری پێشووی هەڵبژاردەی ئینگڵاند ماوەیەک پێش ئێستا دزی لە ماڵەکەی کراوە و هەرچی شتی گرانبەها بووە بردوویانە.
رۆژنامەی وەرزشی سەنی بریتانی بڵاویکردووە، مانگی سەرەتای ئەمساڵ شەوێک لە ناکاو چەند کەسێک هەڵدەکوتنە سەر ماڵەکەی بەرگریکاری پێشووی یانەکانی چێڵسی و ئارسێناڵ و هەرچی زێڕ و کەل و پەلی گرانبەهایە بردوویانە و لە کاتی هەڵکوتانە سەرماڵەکەشی ئەو یاریزانە لە ماڵەوە بووە، بەڵام بەستویانە و هەڕەشەری زۆریشیان لێکردووە.
سەرچاوەکە بڵاویشی کردووە هەر لەو کاتەوە پۆلیس لێکۆلینەوەکانی دەست پێکردووە و تاوەکو ئێستاش بەردەوامن لە گەڕان بە دوای ئەو کەسانەدا.