سعوودییەکان گرەوێکیان لە مەدریدی و لەندەنییەکان بردەوە
یاریگا –
سعوودییەکان لە شۆڕشی گواستنەوەکان بەردەوامن و ئەمجارەش گرەوێکیان لە یانە ناودارەکانی ئەوروپا بردەوە.
بەگوێرەی زانیارییەکانی فابریزۆ رۆمانۆ، یانەی ئەهلی گەیشتووەتە رێککەوتن لەگەڵ ئینزۆ میلۆتی یاریزانی شتوتگارت.
هەر بەپێی زانیارییەکانی ئەو رۆژنامەنووسە ئیتاڵییە، سەرکەوتنی ئەهلی لە گواستنەوەی میلۆت حەپەسانێکی گەورەبوو بۆ ئاتلێتیکۆ مەدرید کە ئەو یانە مەدریدیەش هەوڵی گواستنەوەی دەدات.
نەک هەر لە مەدریدەوە، یاریزانە فەڕەنسییەکە بە تۆتنهامی لەندەنیشەوە دەبەسترایەوە، بەڵام لە کۆتاییدا ناوەڕاستکارەکە درێسی ئەهلی دەپۆشێت.
فابریزۆ ئەوەشی زانیوە کە رێککەوتنی زارەکیی لەنێوان یانە سعوودیەکە و یاریزانە 23 ساڵیەکە کراوە.
🚨🇸🇦 EXCLUSIVE: Al Ahli agree deal to sign Enzo Millot from Stuttgart, here we go!
Surprise move to hijack Atlético Madrid deal, despite Spurs links Millot will play for Al Ahli.
Verbal agreement done on player/club side. Board and coach Jaissle with huge effort on this one. pic.twitter.com/JvMP6xJjPT
— Fabrizio Romano (@FabrizioRomano) August 4, 2025
میلۆت لەسەر ئاستی هەڵبژاردە، یاریی بۆ هەڵبژاردەی ئۆڵیمپی فەڕەنسا کردووە.
