ئینتەر گرێبەستێکی دیکە رادەگەیەنێت
یاریگا –
یانەی ئینتەر دەستی واڵاترکرد بۆ گواستنەوەی یاریزانی نوێ بۆ ریزەکانی و لە جووڵەیەکیتردا رێککەوتنی لەگەڵ هێرشبەرێک ئەنجامدا.
کۆتا هەفتەکانی وەرزی رابردوو بۆ ئینتەر کارەساتبار بوو کە بەجارێک سەرجەم ئەو خول و پاڵەوانێتیانەی تێیدا پاڵێوراوی سەرەکی بوو بۆ بردنەوەیان، لەدەستیدان. هەربۆیە کارگێڕی نیرازوری پلانی بۆ بەهێزترکردنی چەند پێگەیەکی جیاواز داڕشت بەتایبەت هێڵی هێرشبەریی.
بەگوێرەی زۆرێک لە سەرچاوە ئیتاڵییەکان، لەنێوشیاندا فابریزۆ رۆمانۆ و دی مارزیۆ، ئینتەر میلان لەگەڵ پارما گەیشتە رێککەوتن بۆ گواستنەوەی ئانج یان بۆنی.
سەرچاوەکان گرنگترین خاڵەکانی رێککەوتنەکەیان ئاشکراکردووە و باس لەوەدەکەن گرێبەستی یاریزانە 21 ساڵانە فەڕەنسییەکە بۆ ماوەی 5 ساڵە و تێچووەکەشی 23 ملیۆن یۆرۆیە لەگەڵ 3 ملیۆنی دیکەی گۆڕانکارییەکان.
🚨 Ange-Yoan Bonny will join #Inter in a deal worth €23M + €3M in bonuses and sign a 5-year contract worth €2M/yr. 🇫🇷✅
[@SkySport via @DiMarzio] pic.twitter.com/PZi3fZKYdH
— Inter Xtra (@Inter_Xtra) June 28, 2025
بۆنی وەک هێرشبەری سەرەڕم یاریی دەکات. وەرزی رابردوو لە 38 یاریی بۆ پارما توانی 6 گۆڵ و 4 ئەسێست بکات.
لە دەستپێکی مێرکاتۆی هاوینە ئینتەر تا ئێستا بەفەرمی سێ گرێبەستی راگەیاندووە ئەوانیش گواستنەوەی لویس هێنریکی لە مارسیلیای فەڕەنسی، پیتەر سوچیچ لە دینامۆی کڕواتی و نیکۆلا زالێڤسکی لە رۆما.
