تەواو؛ ریال مەدرید ریمۆنتادایەکی دیکەی کرد و چوارەم گرێبەستی ئەم هاوینەی یەکلایی دەکاتەوە
ماستانتونۆ بەهۆی هاتنە پێشەوەی ریال مەدرید بڕیاریداوە پاریس پشتگوێ بخات
یاریگا –
یاریزانە بەهرەمەندە ئەرجەنتینییەکە لە نێوان ریال مەدرید و پاریس سانجێرمان خۆی یەکلاکردەوە، بڕیاریداوە بچێتە ریال مەدرید لەکاتێکدا سەرەتا پاریس سانجێرمان نزیکبوو فرانکۆ ماستانتونۆ ناوەڕاستکاری ریڤەر پلەیتی ئەرجەنتینی بباتە ریزەکانی.
تۆڕی وەرزشی ئاتلێتیک ئاشکرایکردووە، دوای ئەوەی ریال مەدرید بۆ گواستنەوەی فرانکۆ ماستانتونۆ ناوەڕاستکاری ریڤەر پلەیتی ئەرجەنتینی هاتە سەر هێڵ، ئەو یاریزانە 17 ساڵانە یەکسەر پاریس سانجێرمانی بلۆک کردووە و بڕیاریداوە بچێتە ریال مەدرید.
🚨🇦🇷 Real Madrid have made approach with both Franco Mastantuono’s camp and also River Plate.
Mastantuono’s dream since he was a kid is joining Real Madrid, now time for the negotiations. 💭⚪️
Real Madrid and PSG are in a battle to get the deal done. pic.twitter.com/IY2me3SGAG
— Fabrizio Romano (@FabrizioRomano) June 4, 2025
فابریزیۆ رۆمانۆ رۆژنامەنووسی ئیتاڵی ئاشکرایکردووە، فرانکۆ ماستانتونۆ لە منداڵییەوە خەون بە یاریکردن لە ریال مەدرید دەبینێت، بۆیە کاتێک یانە ئیسپانییەکە بۆ گواستنەوەی ئەو ناوەڕاستکارە لاوە هاتە سەر هێڵ، ماستانتونۆ بڕیاری دا بچێتە ریزەکانی مەدریدییەکان.
رۆمانۆ راشیگەیاندووە، ئێستا ریال مەدرید لەگەڵ ریڤەر پلەیت لەگفتوگۆدایە بۆ ئەوەی ئەو یاریزانە 17 ساڵانە بباتە ریزەکانی، کە ریال مەدرید خەریکە هەمان سیناریۆی ئاردا گولەر دووبارە بکاتەوە، کە ئەو یاریزانە تورکەش لە چوونی بۆ بارسێلۆنا نزیکبوو، بەڵام لەکۆتاییدا بووە یاریزانی ریال مەدرید.
Directivos del Real Madrid han volado a Argentina para anticiparse al Paris Saint-Germain en la carrera por Franco Mastantuono.
El club francés se adelantó en las conversaciones y las negociaciones están avanzadas, pero el jugador ha bloqueado el traspaso por el momento porque…
— Matteo Moretto (@MatteMoretto) June 4, 2025
کەناڵی ESPNـی ئەمریکی ئاشکرایکردووە، سەرەتا بەرپرسانی ریال مەدرید لەبارەی گواستنەوەی ماستانتونۆ دوودڵ بوون، بەڵام دوای هاتنی چابی ئاڵۆنسۆ بۆچوونیان گۆڕی و پێداگیریان لەسەر پەلکێشکردنی ئەو بەهرەمەندە ئەرجەنتینییە کرد و داوایان کردووە ئەمشەو کۆبوونەوەیەکی فەرمی لەگەڵ ماستانتونۆ و بەڕێوەبەری کارەکانی بکەن.
ریڤەر پلەیت لە بەرامبەر دەستبەرداربوونی لە تواناکانی ماستانتونۆ داوای 45 ملیۆن یۆرۆ نرخی هەڵوەشاندنەوەی گرێبەستەکەی دەکات، ریال مەدریدیش دەیەوێت لە ماوەی 72 کاتژمێری داهاتوو بەفەرمی گرێبەستی ئەو یاریزانە لاوە واژۆ بکات.
