یاریگا –
ناکۆکی لەنێوان ریال مەدرید و ڤینیسیۆس دروستبووە و گفتوگۆی نوێکردنەوەی گرێبەستەکەی نەرێنییە.
رۆژنامەی مارکا بڵاویکردووەتەوە، بە پێچەوانەی ئەو هەواڵانەی سێ هەفتە لەمەوبەر بڵاوکرانەوە هێشتا ریال مەدرید و لەگەڵ ڤینیسیۆس جونیۆر بۆ نوێکردنەوەی گرێبەستەکە نەگەیشتووەتە رێککەوتن.
بەگوێرەی زانیارییەکانی رۆژنامە ئیسپانییەکە، ڤینیسیۆس داوایکردووە مووچەی ساڵانی بۆ 30 ملیۆن یۆرۆ بەرزبکرێتەوە، بەڵام یانەکە ئەو بڕە بەزۆر دەزانێت و ئامادەیە مووچەی ساڵانەی بکات بە 20 ملیۆن یۆرۆ.
Sus agentes siguen buscando una propuesta millonaria de la Saudi Pro League mientras las negociaciones para renovar con el Madrid están estancadas 💸
Una información de @Carpio_Marca https://t.co/bZQ4zMWlTo
— MARCA (@marca) May 13, 2025
ئەستێرە بەڕازیلییەکە لە هاوینی 2027 گرێبەستەکەی بەسەردەچێت، لە 2022 تاوەکو ئێستا ساڵانە 17 ملیۆن یۆرۆ وەک مووچە وەردەگرێت، کە لە مووچەکەی کیلیان ئێمباپێ نزیکە بەڵام ئەستێرە فەڕەنسییەکە پاداشتی زیاتر وەردەگرێت.
مارکا ئاماژەی بەوەش کردووە، ریال مەدرید لە ئاستی ئەم وەرزەی ڤینی ناڕازییە، ئەوەش هۆکارێکە کە بە شایستەی ئەو مووچە زۆرەی نازانن، جونیۆر لەم وەرزە لە 50 یاریی 20 گۆڵی بۆ یانەکە کردووە.
بەگوێرەی هەمان سەرچاوە، سعوودیەکان چەند جارێک گفتوگۆیان لەگەڵ ڤینیسیۆس کردووە، بەڵام ئەو هەواڵە راست نییە کە گوایە ئۆفەرێکیان بە مووچەی ساڵانەی 200 ملیۆن یۆرۆ پێشکەش کردووە و تاوەکو ئێستا سعوودیەکان هیچ ئۆفەرێکی لەوشێوەیان پێشکەش نەکردووە.
