یاریگا –
ریال مەدرید بە راهێنەرایەتی کارلۆ ئانچێلۆتی نزیکە لەوەی ئەم وەرزە بەبێ نازناو کۆتایی پێبهێنن و لە فیناڵی جامی شای ئیسپانیاش جارێکیتر بە بارسێلۆنا دۆڕایەوە.
شسکتی ریال 2-3 بەرامبەر بارسا، سێیەم شکستی یانە مەدریدیەکەبوو لەم وەرزە بەرامبەر رکابەرە کاتالوونیەکەی. ئەوە لەکاتێکدایە لە خولی ئیسپانیش تەنها 5 هەفتە بۆ کۆتاییهاتن ماوە کەچی تیمەکەی ئانچێلۆتی بە چوار خاڵ لەدوای بارسا دێت. بەوەش دوورخستنەوەی کارلۆی هێندەیتر مسۆگەرکرد.
بەگوێرەی زانیارییەکانی تۆڕی ڕێلێڤۆ کە راستەوخۆی دوای کلاسیکۆی فیناڵەکە ئاشکرایکرد، نوێنەری هەڵبژاردەی بەڕازیل لە سێڤییا، شاری میوانداری یاریی کۆتایی، ئامادەبووە بۆ گفتوگۆکردن لەگەڵ راهێنەرە ئیتاڵیەکە بۆ پێشکەشکردنی ئۆفەر بە کارلۆ بۆ وەرگرتنی پۆستی راهێنەرایەتی سامبا کە ماوەیەکی زۆرە دەنگۆی بەهێزە.
رێلێڤۆ ئەوەشی زانیوە کە نوێنەرەکەی بەڕازیل دوو بژاردە دەخاتە بەردەم ئانچێلۆتی: یان ئێستا راستەوخۆ پەیوەندیەکە رووبدات یاخود بکەوێتە پاش کۆتاییهاتنی وەرزەکە کە رەنگە جامی جیهانی یانەکانیش راهێنەری ریال نەبێت.
سەرچاوەکە نووسیویەتی کە کۆبوونەوەیەک لەنێوانیاندا روودەدات و بڕیارەکە دەدرێت. بابەتی پەیوەندیکردنی بە بەڕازیلەوە یەکلایی بووەتەوە.
🚨 BREAKING: Brazil agent is in Sevilla to offer Carlo Ancelotti the choice: join now or join after the season ends.
They will have a meeting to decide. The agreement to go to Brazil is DONE. @relevo pic.twitter.com/TKwWIjat4W
— Madrid Zone (@theMadridZone) April 26, 2025
جگە لەو زانیارییە، هاوکات وێنەیەکی ئانچێلۆتی و رافینیای بەڕازیلی و ئەستێرەی بارسا دوای یارییەکە لە پلاتفۆرمە جیاوازەکانی مێدیاکانەوە بڵاوکرایەوە و هێندەیتر ئاماژەکانی رۆشتنی بۆ هەڵبژاردە زلهێزەکەی کیشوەری ئەمریکای باشوور بەهێزترکرد.
🚨🚨🚨RELEVO:
The agreement for Ancelotti to join the Seleção is done!!!!! 🇧🇷🇧🇷🇧🇷
Now it is just a matter of joining now or after the season is finished. pic.twitter.com/xlQgd30l0l
— Brasil Football 🇧🇷 (@BrasilEdition) April 26, 2025
