نیوکاسڵ جەنگێکی گواستنەوەی لە دوو زلهێزەکەی ئیسپانیا بردەوە
یاریگا –
یانەی نیوکاسڵ سەرکەوتووبوو لە یەکلاکردنەوەی گرێبەستێک لە بەرژەوەندی خۆی و بێهیواکردنی هەردوو یانەی بارسێلۆنا و ریال مەدرید.
بەگوێرەی زانیارییەکانی فابریزۆ رۆمانۆ، نیوکاسڵ بە سەرکەوتوویی گرێبەستی لەگەڵ ئانتۆنیۆ کۆرێدرۆی ئیسپانیی و یانەی مالاگا یەکلایکردووەتەوە.
ئەو رۆژنامەنووسە ئەوەشی خستووەتەڕوو کە بەم نزیکانە راگەیاندنی فەرمی گواستنەوەکە رادەگەیەندرێت.
نیوکاسڵ کە ئێستا لە پلەی چوارەمی پرێمەرلیگە، خۆی بۆ چامپیۆنزلیگی وەرزی داهاتوو ئامادەدەکات و چاوی لە بەهێزترکردنی ریزەکانیەتی. بۆ ئەو مەبەستەش دەیەوێ بژاردەکانی لە پێگە جیاوازەکانی یاریگا زیاتر بکات. هەر ئەوەش بوو وایکرد بچێتە کێبڕکێ لەگەڵ بارسا و ریال بۆ یەکلاییکردنەوەی گرێبەست لەگەڵ ئەو یاریزانە 18 ساڵە کە لە باڵی چەپ یاری دەکات.
🚨⚪️⚫️ EXCL: Newcastle have completed deal to sign Spanish 18 year old talent Antonio Cordero from Malaga, here we go!
Announcement set to take place for Cordero to join #NUFC project.
Barça and Real Madrid were both keen on signing Cordero; he picked Newcastle. pic.twitter.com/4MGDHkLKQf
— Fabrizio Romano (@FabrizioRomano) April 15, 2025
کۆردێرۆ وەک یاریزانێکی بەهرەمەند سەیردەکرێت. لە 33 یاریی ئەم وەرزەی یانەکە پلە دووەکەی ئیسپانیا توانیویەتی 5 گۆڵ و 6 ئەسێست بکات.
وەک رۆمانۆ ئاشکرای کردووە، ئەو یاریزانە بە ویستی خۆی نیوکاسڵی بەسەر دوو زلهێزەکەی ئیسپانیادا هەڵبژاردووە بۆ پەیوەندیکردن بە پرۆژە دوورمەوداکەی یانە ئینگلیزیەکە بە سەرپەرشتی ئێدی هاو.
