یاریگا –
گورزێکی کوشندە بەر ریال مەدرید دەکەوێت و پێکانەکەی سێبایۆس سەختە.
شەوی رابردوو لە یاریی چوونی قۆناخی پێشکۆتایی جامی شای ئیسپانیا، ریال مەدرید بووە میوانی ریال سۆسیداد و یارییەکەی 1-0 بردەوە.
لە دواساتەکانی یارییەکە و لە خولەکی 92 دانی سێبایۆس بەتوندی لەگەڵ کوبۆی یاریزانی سۆسیداد بەریەک کەوتن و بەوهۆیە ناوەڕاستکارەکەی مێرێنگی بە گریان و ئازارێکی زۆرەوە یاریگای جێهێشت.
لقطة اصابة سيبايوس
— محمود مجيد (@MMajeedX) February 26, 2025
بەگوێرەی زانیارییە سەرەتاییەکانی ئێل چێرێنگویتۆ، پێکانەکەی سێبایۆس لە ماسولکەکانییەتی و پێشبینی دەکرێت سێ بۆ چوار هەفتە لە یاریگاکان دووربکەوێتەوە.
بەڵام بەگوێرەی دوایین زانیاری تۆڕی رێلێڤۆ، پێکانەکەی سێبایۆس لەوە سەختترە کە سەرەتا پێشبینی دەکرا بۆ ماوەی مانگێک دووربکەوێتەوە و رەنگە یاریزانەکە زیاتر لە مانگێک لە یاریکردن داببڕێت. تەنانەت مەترسی ئەوەی لەسەرە وەرزەکە بۆ یاریزانەکە کۆتایی هاتبێت.
سبەی لە مەدرید پشکنینی پزیشکی بۆ دانی دەکرێت. بەفەرمی ریال مەدرید جۆری پێکانەکە و ماوەی دوورکەوتنەوەی یاریزانەکە ئاشکرا دەکات.
Las lágrimas de Ceballos y los abrazos de los fisios y compañeros. pic.twitter.com/I7Z8WoRUKU
— Abraham P. Romero (@AbrahamPRomero) February 26, 2025
