یاریگا –
ئەمڕۆ لە یارییەكی دیكەی پرێمەرلیگ و لە یاریی لووتكەدا تۆتنهام هۆتسپێر میوانداری مانچێستەر سیتی دەكات.
وا بڕیارە ئەمڕۆ چوارشەممە كاتژمێر 22:30 بە كاتی كوردستان تۆتنهام لە یاریگای خۆیدا میوانداری مانچێستەر سیتی بكات، لە میانی یارییەكانی هەفتەی 27ی پرێمەرلیگ.
پڕۆفایلی یاری
لەم وەرزەدا تۆتنهام بە راهێنەرایەتیكردنی ئەینج پۆستێكۆگلو وەرزێكی خراپی هەبووە و لە گەیشتن بە پاڵەوانیەتییە ئەوروپییەكانی وەرزی داهاتوو تەواو دوورە.
لەم وەرزەی پرێمەرلیگدا لە كۆی 26 یاریی تۆتنهام تەنیا 10یاریی براوە بووە سێ یاریی یەكسان بووە و 13 یاریی دۆڕاوە.
بە كۆكردنەوەی 33 خاڵ لە ریزبەندی سیازدەی پرێمەرلیگ دێت.
لە بەرامبەردا مانچێستەر سیتیەكەی پێپ گواردیۆلاش وەرزێكی تەواو خراپی هەیە و بە جیاوازی 20 خاڵ لە دوای لیڤەرپوولی پێشەنگەوەیە.
لەم وەرزەدا و لە 26 یارییدا 13 یاریی براوە بووە پێنج یاریی یەكسان بووە و هەشت یارییش دۆڕاوە.
بە كۆكردنەوەی 44 خاڵ لە ریزبەندی پێنجەمی پرێمەرلیگ دێت.
هەردوو یانە لە مێژوودا 163 جار رووبەڕووی یەک بوونەتەوە، لە 65 یاری سپێرز براوە بووە و سیتیزنیش 63 یاریی بردووەتەوە و لە 35 یارییش یەكسان بوون.
مان سیتی لە رووبەڕووبوونەوەكانی نێوانیان 248 گۆڵی كردووە و تۆتنهامیش 229 گۆڵ.
هەواڵی پێكانی یاریزانەكان
تۆتنهام بە بێ دۆمینیک سۆلانكێ، دراگۆشین، كریستیان رۆمێرۆ، ریچارلیسن، ڤان دی ڤین، تیمۆ فێرنەر و بن دەیڤس بێبەش دەبێت.
لە بەرامبەردا سیتیزن بە بێ مانوێل ئاكانجی، جۆن ستۆنس، رۆدری و ئۆسكار بۆب بێبەش دەبێت و هەروەها یارییكردنی ئێرلینگ هالاند گومانی لەسەرە.
پێکهاتەی پێشبینیکراوی تۆتنهام
ڤیكاریۆ
یودۆگی، دانسۆ، دەیڤس، سپێنس
بێرگڤاڵ ، بێنتانكور
كۆلۆسێڤسكی، مادیسن، سۆن
ماتیس تێل
پێکهاتەی پێشبینیکراوی مانچێستەر سیتی
ئێدەرسن
خوسانۆڤ، ئاكێ، دیاس، لێویس
نیكۆ گۆنزالێس، بێرناردۆ
دۆكو، مەرمووش، ساڤیۆ
فۆدن
