تەواو؛ بەهرەمەندێکی گۆڵکار پەیوەندی بە وێستهام یونایتد دەکات
بازاڕی گواستنەوەی وێستهام گەرمە
یاریگا –
وێستهام یونایتد لەگەڵ برایتن هۆڤ ئالبیۆن لەسەر گواستنەوەی ئیڤان فێرگسن رێککەوت و فەرمی گواستییەوە.
وێستهام تاوەکو کۆتایی ئەم وەرزە، ئیڤان فێرگسن، هێرشبەری ئایرلاندی دەگوازێتەوە ریزەکانی، وەکو هەوڵێک بۆ راستەڕێکردنەوەی ئەنجامەکانی یانەکە.
On the dotted line… 🖊️ pic.twitter.com/TjHQDn9G5C
— West Ham United (@WestHam) February 3, 2025
درەنگانێکی شەوی رابردوو یەکشەممە، فێرگسن پشکنینی پزیشکی بە سەرکەوتوویی تێپەڕاند.
فێرگسن یەکێکە لە یاریزانە دڵخوازەکانی گراهام پۆتەر، راهێنەری وێستهام، چونکە پێشتر لە برایتن بەیەکەوە کارییان کردووە و متمانەیەکی زۆری بە هێرشبەرەکە هەیە.
یاریزانی 20 ساڵان، دوای چاکبوونەوەی لە پێکان، بەشداری لە یاریی شەوی رابردووی برایتن بەرامبەر نۆتینگهام فۆڕێست کرد، کە بە ئەنجامی 7-0 شکستیانهێنا.
فێرگسن، تەمەن 20 ساڵان، سەرەتای کاروانی وەرزشی لە سەینت کێڤن بۆیس دەستپێکردووە، پاشان پەیوەندی بە بۆهێمیانس کرد.
لە هاوینی ساڵی 2021، فێرگسن پەیوەندی بە برایتنەوە کرد و لەوساتەوە، 13 گۆڵی لە 59 یاریدا کردووە. ئەستێرە ئایرلاندییەکە خاوەنی چوار گۆڵی نێودەوڵەتییە لەکۆی 18 یاریدا.
وێستهام دەرگای گواستنەوەکانی دانەخستووە و خەریکی گفتوگۆیە لەگەڵ لۆریان، بۆ گواستنەوەی ئێلی جونیۆر کرۆپی.
لەلایەکی دیکەوە، یانەکەی باکووری رۆژهەڵاتی لەندەن، کار لەسەر گواستنەوەی دانیێل کەمینگس، هێرشبەری سێڵتک دەکات و دەیەوێت گرێبەستێکی پێشوەختە واژۆ بکات و لە هاوینی داهاتوودا بیگوازێتەوە.
