فەرمی؛ كۆلۆ موانی پەیوەندی بە یوڤێنتوسەوە كرد
یاریگا –
بەشێوەیەكی فەرمی كۆلۆ موانی ئەستێرەی فەڕەنسی یانەی پاریس سانجێرمانی هەمان وڵات پەیوەندی بە ریزەكانی یوڤێنتوسی ئیتاڵیەوە كرد.
كۆلۆ موانی لە هاوینی ساڵی 2023 لە ریزەكانی ئینتراخت فرانكفۆرتەوە بە بەهای 95 ملیۆن یۆرۆ پەیوەندی بە پاریس سانجێرمانەوە كرد.
Randal Kolo Muani è un nuovo giocatore della Juventus 🇫🇷
Benvenuto in ⚪️⚫️!
— JuventusFC (@juventusfc) January 23, 2025
هەژماری فەرمی یوڤێنتوس لە پلاتفۆرمی ئێكس گواستنەوەی راندال كۆلۆ موانی بۆ ریزەكانی یانەكەی راگەیاند.
هێرشبەرە فەڕەنسیەكە بەشێوەی خواستن و تاوەكو كۆتایی وەرز پەیوەندی بە یانە ئیتاڵیەكەوە دەكات.
كۆلۆ موانی لەگەڵ یانەكەی تیاگۆ مۆتا درێسی ژمارە 20 دەپۆشیت.
هێرشبەرە 26 ساڵانەکە بە خواستن تا کۆتایی ئەم وەرزە درێیس یوڤێنتۆس دەپۆشێت و یانە ئیتاڵییەکە مووچەی تەواوی کۆلۆ موانی لە ئەستۆ دەگرێت و هیچ بژاردەیەکیش بۆ کڕینەوەی یاریزانەکە لەلایەن یۆڤییەوە لە گرێبەستەکەی جێگیر ناکرێت.
کۆلۆ موانی لەم وەرزە لە 14 یاری 453 خولەک بە درێسی پاریس سانجێرمان یاریی کردووە و دوو گۆڵ و ئەسیستێکی کردووە.
