یاریگا –
ئەمڕۆ کاتژمێر 15:00 بەکاتی هەولێر، لە هۆڵی لویس ئاراگۆنێس تیروپشکی قۆناخی 8ـی جامی شای ئیسپانیا رادەکێشرێت.
هەریەکە لە یانەکانی بارسێلۆنا، ریال مەدرید، ئۆساسونا، ریال سۆسیداد، ئاتلێتیکۆ مەدرید، خێتافی، لێگانێس و ڤاڵێنسیا بۆ قۆناخی چارەکی کۆتایی جامەکە سەرکەوتوون و ئەمڕۆ بەگوێرەی ئەنجامی تیروپشکەکە رووبەڕوو دەبنەوە.
یارییەکانی قۆناخی چارەکی کۆتایی لە 5ـی شوبات/ فەبرایەر بەڕێوەدەچێت. لەم قۆناخەش هەر یانەیەک یەک یاریی دەکات.
بەڵام لە قۆناخی پێشکۆتایی یارییەکان دەبن بە چوون و گەڕانەوە، هەر یانەیەک یارییەک لە یاریگای خۆی و یارییەک لەدەرەوەی یاریگای دەکات.
یارییەکانی چوونی قۆناخی پێشکۆتایی لە 26ـی هەمان مانگ بەڕێوەدەچێت. یاریی گەڕانەوەش لە 2ـی نیسان/ ئەپریل بەڕێوەدەچێت. یاریی کۆتایی جامەکەش لە 26ـی نیسان بەڕێوەدەچێت.
