کەمترین رێژەی گۆڵ تۆمارکردن لە گەڕی رابردووی خولی نایابی کوردستان بوو

یاریگا –

لە گەڕی 13ـەی خولی نایابی کوردستان کەمترین رێژەی گۆڵ تۆمار کرا بۆ ئەم وەرزە کە تەنیا 13 گۆڵ بوو.

بە تۆمار کردنی 13 گۆڵ گەڕی 13ـەی خولی نایابی کوردستان کەمترین گۆڵی لێ تۆمار کرا، گێمی یەکەم پێنج گۆڵ تۆمار کراوە و گێمی دووەمیش هەشت گۆڵی تێدا تۆمار کرا، خێراترین گۆڵی ئەم گەڕە کارزان سابیر یاریزانی هەولێر بەرامبەر رزگاری تۆماریکرد کە لە چرکەی 27ـی دەسپێکی یارییەکە بوو.

هەریەک لە گۆڵپارێزان راوێژ عەتا لە دەربەندیخان و بارق عەبدولرەزاق لە برایەتی و حوسێن جابر لە برایەتی و سەرتیپ حەبیب لە پێشمەرگەی هەولێر لە گەڕی رابردوو هیچ گۆڵێکیان لێ تۆمار نەکرا و کلین شیتیان بە دەستهێنا، گەورە ترین سەرکەوتنیش لەم گەڕە برایەتی بە دەستیهێنا بەرامبەر پیشەسازی کاتێک 3 _ 0 یارییەکەی بردەوە.

لە گەڕی 13ـەی خولی نایابی کوردستان 30 کارتی زەرد و کارتێکی سوور بەرزکرایەوە، بەراورد بە چەند گەڕێکی رابردوو رێژەی کارتەکان کەمیکردووە.