سەیوان فاتیح دەستی لەکارکێشایەوە؛ چوارەمین راهێنەر لەم وەرزە یانەی سەیدسادقی بەجێهێشت

یاریگا –

سەیوان فاتیح دەستی لە راهێنەرایەتی یانەی سەیدسادق کێشایەوە و دەبێتە پێنجەمین راهێنەر لەم وەرزە راهێنەرایەتی یانەکە بکات.

بەگوێرەی زانیارییەکانی تۆڕی وەرزشی یاریگا، سەیوان فاتیح دەستی لە راهێنەرایەتی یانەی سەیدسادق کێشاوەتەوە و دوای موسعەب عەباس، ئەحمەد سەبری و ئەمین عەباس دەبێتە چوارەمین راهێنەر لەم وەرزە واز لە راهێنەرایەتی سەیدسادق بهێنێت.

سەیوان فاتیح کە رۆژی 21ـی مانگی رابردوو ئەرکی راهێنەرایەتی یانەی سەیدسادقی وەرگرت، لەکۆی چوار یاری تەنیا خاڵێکی بۆ یانەکە بەدەستهێنا، لەگەڵ پیشەسازی یەکسان بوو، بەرامبەر هەندرێن و رزگاری و رانیە تووشی شکست بوو.

سەیدسادق لەکۆی 12 گەڕی ئەم وەرزەی خولی نایابی کوردستان بە چوار راهێنەرەوە نەیتوانیوە هیچ بردنەوەیەک بەدەست بهێنێت، بە کۆکردنەوەی 4 خاڵ لە کۆتایی ریزبەندیی خولەکە دێت، کە پێش دەستپێکی وەرزی نوێ بەهۆی قەیرانی داراییەوە هەڕەشەی بایکۆتکردنی خولەکەی دەکرد.