یاریگا –
بارسێلۆنا جیا لە هەموو کێشە قورسەکان، دەیەوێت لەم کاتەدا گرێبەستی لامین یامال نوێبکاتەوە.
یامال، ئەستێرەی لاوی بارسا، یەکێکە لە دیارترین یاریزانانی یانە کاتالوونییەکە و بە ئەستێرەی داهاتووی یانەکە دادەندرێت.
گرێبەستی ئێستای یامال لە هاوینی ساڵی 2026 بەسەردەچێت، بەڵام ئەستێرە ئیسپانییەکە ئامادەیە واژۆ لەسەر گرێبەستێکی نوێ بکات.
یامال لە لێدوانێکیدا بۆ تۆڕی CNN دەڵێت
نازانم کەی گرێبەستە نوێیەکە واژۆ دەکرێت، بەڵام هیوادارم زوو بکرێت.
لە کۆتاییدا، بارسێلۆنا یانەی ژیانمە، هیوادارم گرێبەستەکەم نوێبکەمەوە و تاوەکو بتوانین بەیەکەوە بین. دەمەوێت لە لالیگا یاریی بکەم، دەمەوێت یاریی بۆ بارسا بکەم. دەمەوێت گرێبەستەکەم نوێبکەمەوە و نوێشیدەکەمەوە.
یامالی تەمەن 17 ساڵ لە ساڵی 2014 پەیوەندی بە بارسێلۆنا کردووە و یەکەم یاریی فەرمی لە ساڵی 2023 کرد. لەو ساتەوە یامال 10 گۆڵی لە کۆی 54 یاریدا کردووە.
