یاریگا –
بارسێلۆنا له گه‌ڕه‌كانی کۆتایی ساڵ ناناسرێتەوە، له كۆی حه‌فت یاریی و 21 خاڵ، ته‌نها پێنج خاڵی به‌ده‌ستهێناوه، به پێچه‌وانه‌ی سه‌ره‌تایی وه‌رز كه حه‌فت سه‌ركه‌وتن و كۆمه‌لێك ئه‌نجامی گه‌وره‌ی تۆماركرد، 7-0 له ڤایادۆلید برده‌وه، 5-1 سه‌ركه‌وتنی بەرامبەر ڤیاریال تۆماركرد.
رۆژنامه‌ی ئاس ئاشكرایكردووه، بارسا و فلیكی راهێنه‌ر ئه‌وه‌یان بۆ ئاشكرا بووه، كه به‌بێ یاماڵ ناتوانن بردنه‌وه تۆماربكه‌ن و كاریگه‌ری له‌سه‌ر ئه‌نجامه‌كانی یانه‌كه هه‌بووه.
🚨🔵🔴 Comprobado: sin Lamine Yamal, el Barça se desmorona
👉 El extremo no completó el partido en todas las derrotas y en casi todos los empates
https://t.co/QnIuZLr0vq— MARCA (@marca) December 22, 2024
یاریزانە ئیسپانییەكه و براوەی جامی کۆپا بۆ باشترین یاریزانی لاوی جیهان، تێکدەرترین یاریزانی پێکهاتەی بارسێلۆنایه، به‌بێ ئه‌و یانه‌كه پێكهاته‌كه‌ی ده‌شێوێت و ناتوانێت براوه بێت، ئه‌و یاریزانه خێرایه و له كۆنترۆڵكردن و برینی یاریزانی نایابه، له‌پاسدان زۆر وورده زۆر به‌باشی یاریزانانی تیپی به‌رامبه‌ر سه‌رقاڵ ده‌كات و ده‌رفه‌ت بۆ هاورێكانی ده‌ره‌خسێنێت.
لامین یاماڵ له‌م وه‌رزه‌ی لالیگا 5 گۆڵ و 9 ئه‌سیستی هه‌یه، خۆی وەک یاریزانێکی پێویست و گرنگ بۆ بارسێلۆنا سه‌لماندووه.
بارسا شکست ناهێنێت كاتێك یاماڵ یاریی ده‌كات، به‌ڵام هه‌ر یارییه‌ك كه به‌ته‌واوی یاریی نه‌كردبێت تیپه كاتالۆنیه‌كه براوه نه‌بووه، بەرامبەر ئۆساسونا (4-2) دۆران و به‌رامبه‌ر سۆسیداد تەنها 31 خوله‌ك یاریی كرد و دۆران و هەروەها لە یەکسانبوونیان بەرامبەر سێلتا لە ڤیگۆ (2-2) بەرامبەر لیگانێسیش كه (1-0) دۆران ناچار بوو لە خولەکی 75 به‌هۆی پێكانه‌وه یاریگا جێبهێلێت و یانه‌كه ئه‌م یارییه‌شی دۆراند.
له دوایین یاریش له‌گه‌ڵ ئاتێلتیكۆ مه‌درید كه 2-1 دۆران جارێكی دیكه یاماڵ به‌هۆی پێكانه‌وه به‌شداری له یارییه‌كه نه‌كرد.
هانسی فلیک پێش یارییان به‌رامبه‌ر ئاتلێتكۆ مه‌درید گوتی، به‌داخه‌وه یاماڵ پێكانی هه‌یه و ناتوانێت یاریی بكات دەبێت ئه‌مه قبوڵ بکەین.
گوتیشی، ده‌بێت شوێنی یاماڵ به یاریزانه‌كانی تر پربكه‌ینه‌وه نامه‌وێت یاریزانه‌كه بخه‌ینه مه‌ترسیه‌وه
