یاریگا –
ناوبژیوانی یارییەکەی ریال مەدرید و رایۆ ڤاییکانۆ لە بڕیارەکەی دڵنیا نییە و دەڵێت رەنگە هەڵەم کردبێت.
مونوێرا مارتینێز، ناوبژیوانی یاری نێوان ریال مەدرید ڤاییکانۆ کەوتووەتە بەر شاڵاوی رەخنەی مەدریدییەکان و بەوە تۆمەتباری دەکەن لەو یارییەدا دوو لێدانی سزای بۆ ریال مەدرید هەژمار نەکردووە.
کەناڵی فەرمی ریال مەدرید بەتایبەت ناوبژیوانی یارییەکە و ناوبژیوانی ژووری ڤار بەوە تۆمەتباردەکات لە خولەکی 74 عەبدول موئمین لە ناوچەی سزا لە ڤینیسیۆس دەدات و بەریدەداتەوە، بەڵام ژووری ڤاریش بەشداریی رووداوەکە ناکەن و لێدانێکی سزای دروست هەژمار ناکەن.
کەناڵی DAZN ئیسپانیا گرتە ڤیدیۆییەکی ساتی رووداوەکەی بڵاوکردووەتەوە، دەردەکەوێت ڤینی بەردەوام فشار لە ناوبژیوان دەکات و داوای لێدانی سزا دەکات، بەڵام مونوێرا بە ڤینی دەڵێت؛ گوێبگرە، گوێبگرە رەنگە هەڵەم کردبێت… بەڵام واز لە فشارکردن بهێنە.
🚨🚨🚨🚨🚨🚨🚨🚨🚨🚨🚨🚨🚨🚨
فيديو — مترجم |
الحكم يعترف لفينيسيوس أنه مخُطأ بعدم احتساب ضربة الجزاء له أمام رايو !!!!!
فضييييييحة … فضييييييييييحة .. فضيييييييحة !!
انشروا فساد حكام نيغريرا !!!😳😳😳😳😳😳😳😳😳😳😳😳
— محمود مجيد (@MMajeedX) December 15, 2024
بەگوێرەی ئەو دیمەنە مونوێرا مارتینێز گومانی لە بڕیارەکەی هەیە و دڵنیا نییە بڕیارێکی دروستی داوە یاخود نا، بۆیە داوا لە ڤینی دەکات ئارامبێتەوە.
مارتینێز بەهۆی بڕیارەکانی رووبەڕووی رەخنەیەکی زۆر بووەتەوە، تەنانەت ئینیگۆ پێرێزی راهێنەری یانەی رایۆ ڤاییکانۆش دانی بەوەداناوە موئمین لە ڤینیسیۆسی داوە.
